Treshja shqiptare e TSG Hoffenheim starton nga minuta e parë ndaj FC Augsburg
Leon Avdullahu, Albian Hajdari dhe Fisnik Asllani do të jenë titullarë në përballjen e sotme të Bundesliga, ku Hoffenheim përballet me Augsburg.
Ndeshja zhvillohet nga ora 20:30 dhe pritet me interes të madh, sidomos për faktin se tre futbollistë shqiptarë do ta nisin takimin nga minuta e parë.
Ndërkohë, Elvis Rexhbecaj do ta nisë sfidën nga stoli te Augsburg, duke qenë në dispozicion të trajnerit si zëvendësues.
Një mbrëmje e rëndësishme për futbollistët shqiptarë në elitën e futbollit gjerman.
