Kimete Berisha pas vendimit për Albin Kurtin: Çohuni! Nuk jetohet në vendin më të korruptuar në botë

Se çfarë ‘lloj’ Drejtësie ka ky vend tregon fakti se Kosova u shpall shteti më i korruptuar në botë, pas Tanzanisë dhe Gambisë.

Kush e pruri Kosovën n’këtë derexhe?

PRONTO mafia dhe LDK. Kush tjetër!

Të gjitha institucionet, pa përjashtim, janë prona private të tyre s’ka vend, as s’ka pozitë udhëheqëse që nuk është e tyre dhe e klaneve të tyre.

Kupto shqip.

Ata kanë ushtarë, paramilitarë, shërbyes, agjentë, spiuj, sekserë, hajna, plaçkitës dhe kriminelë brenda të gjitha Institucioneve që ekzistojnë.

Nuk bëhet asgjë pa aminin e Tyre. Hiç asgjë! Tamam si te Godfather. Bile ‘Godfather’ thotë ‘mos e lejo askënd të ta humb kohën dy herë’, kurse ne qe 21 vjet me qetësi i kemi shikuar duke na e shkatërruar jetën dhe duke na e rrënuar kulmin mbi kokë!

Këtu më nuk bëhet fjalë për pushtet, këtu është çështje ‘Të jesh a të mos jesh’!

Dhe jam shumë e sigurt se nëse nuk shkundet shoqëria, nuk shpërndahet mafia politike dhe nuk këputet zingjiri i krimit, Kosova nuk do të jetë!

Sipas Drejtësisë së Kosovës, për t’u bërë deputet, lejohet nëse ke qenë në burg për krime dhe vrasje para disa viteve, si Davidi me dajën e vet, dhe shumë e shumë hajna e kriminelë, ozurpatorë të tmerrshëm, skllavopronarë, dhunues që u bën deputetë.

Edhe të atillë që kanë vjedhur veshka nga dertlinjtë dhe nuk ia kanë paguar djalit t’shkret paret për veshkën që ia kanë marrë.

Por nuk të lejonet të bëhesh deputet nëse ke protestuar kundër krimit të organizuar para 3 viteve në Kuvend!

Do të të lejohej nëse ke qenë ‘kriminel’ dhe vrasës para 3 vitesh e 1 ditë.

Tmerr, apo po më duket mua!

P.S. Nuk jetohet në vendin më të korruptuar në botë.

Çohuni.

Ose ndoshta më mirë rrini e vegjetoni!

Bëni çka të doni!

Sa më përket mua, I Don’t Give a Damn!