Dje në stacionin policor të Podujevës një qytetar e ka denoncuar kryetarin e komunës, Shpejtim Bulliqi, për sulm verbal e fizik. Policia dhe prokuroria kanë nisur hetimet për zbardhjen e rastit.
Ndërkohë “Gazeta Express”, ka siguruar pamjet ekskluzive në të cilat shihet Shpejtim Bulliqi teksa e godet në fytyrë qytetarin, i cili është njëkohësisht edhe punonjës i komunës.
Derisa dje Bulliqi në një reagim kishte thënë se puna e sulmit fizik është një trillim dhe i pavërtetë.
Ramadan Zymeri dje në një rrëfim ka thënë se Bulliqi i kishte thënë se “ta nxjerri gabzherrin”.
Zymeri thotë se kishte pasur edhe njolla gjaku në fytyrë, për të cilat mjeku ka konstatuar se janë lëndime sipërfaqësore.
