Drita mund keq Gjilanin sikurse Prishtina modestët e Malishevës

Drita e ka fituar derbin numër 41 të Anamoravës kundër Gjilanit me rezultat të thellë 4:1.

Më meritori në këtë fitore të Dritës ishte sulmuesi maqedonas, Marko Simonovski që shënoi “het-trik”.

Blend Baftiu hapi serinë e golave në minutën e 37-të me një gol të bukur nga afërsia.

Marko Simonovski dyfishoi shifrat në minutën e 44-të, kurse në minutën e gjashtë shtesë të pjesës së parë Simonovski realizoi edhe një herë tjetër.

“Het-trikun” maqedonasi e kompletoi në minutën e 68-të të përballjes.

Golin e vetëm për Gjilanin e realizoi Baton Zabergja 11 minuta para fundit të kohës së rregullt.

Me këtë fitore, Drita ngritet në pozitën e parë me 14 pikë, aq sa ka edhe Gjilani që tani bie në vendin e dytë.

Prishtina ka shënuar fitore të thellë në ndeshjen e javës së shtatë kampionale kundër Malishevës.

Bardhekaltrit e drejtuar nga Ismet Munishi fituan 4:2 ndaj Malishevës në stadiumin “Sami Kelmendi” në Lipjan.

Hoti, Uka, Krasniqi e Gashi ishin realizatorët për Prishtinën, kurse për Malishevën golat i shënuan Alban Shillova e Fiton Hajdari.

Prishtina me këtë fitore zë vendin e tretë me 11 pikë, ndërkohë Malisheva ka shtatë pikë në pozitën e pestë.