FC Ferizaj dhe trajneri kroat, Andrej Panadaiq nesër (e hënë) do t’i ndajnë rrugët.
Lajmi konfirmohet ekskluzivisht nga burime të sigurta të Shqip.com pranë klubit.
Shqip.com mëson se Panadaiq i ka tubuar ditën e sotme lojtarët për takimin lamtumirës.
Panadaiq u emërua trajner i Ferizajt më 11 tetor të këtij viti me shumë bujë duke e zëvendësuar Arbnor Morinën, por nuk i arriti pritshmëritë.
Ferizaj pas përfundimit të stinorit vjeshtor ndodhet e fundit në rendtije me 13 pikë të tubuara.
Skuadra tashmë është në kërkim të një trajneri të ri.