Kombëtarja e veteranëve të Gjermanisë vjen në Kosovë, Ademi u uron mirëseardhje

Kombëtarja e Kosovës në futboll për veteranë, nesër nga ora 13:00 do ta zhvillojë një ndeshje miqësore me Gjermaninë, shkruan Futbolli.info.

Sfida luhet në Kampin sportiv në Hajvali dhe pritet të jetë mjaft interesante.

Numri një i FFK-së, sot ka takuar lojtarët dhe u ka uruar mirëseardhje në ditën më të mirë të Kosovës, ditën e shtetësisë.
Postimi i Agim Ademit:

Sot i dëshirova mirëseardhje në Kosovë përfaqësuesve të Kombëtares së veteranëve të futbollit të Gjermanisë, Rudi Bommer, ish-futbollist, trajner dhe analist i shquar i ndeshjeve të futbollit në televizionet gjermane dhe Dieter Burdenski, zyrtar i Kombëtares së Gjermanisë.

Bashkë me ta ishin edhe përfaqësuesi i FFK-së në Gjermani, Fekmi Kongjeli dhe Markus Weidner, ish-drejtor për marrëdhënie me jashtë në DFB, i cili dha kontribut të madh në të gjitha proceset para dhe pas pranimit të Kosovës në UEFA e FIFA. Ai ishte në vendin tonë edhe vite më parë me rastin e licencimit të trajnerëve të parë kosovarë me licencë të UEFA-s.

Në emër të FFK-së e falënderova Kombëtaren e veteranëve të Gjermanisë që është bërë pjesë e festës sonë për shënimin e 15-vjetorit të Pavarësisë së Kosovës dhe shpreha mirënjohjen e parezervë për shtetin gjerman që në vazhdimësi ka qenë mbështetës i shtetndërtimit të Kosovës dhe i progresit të futbollit tonë.

Ndeshja e veteranëve Kosovë-Gjermani zhvillohet të shtunën në Kampin Nacional në Hajvali, në orën 13:00 dhe është pjesë e kalendarit shtetëror të aktiviteteve për shënimin e 15-vjetorit të Pavarësisë.

Me këtë rast ftoj të gjithë dashamirët e futbollit që të jenë të pranishëm në këtë ndeshje, ku do të kenë mundësi të shohin yjet e dikurshme të futbollit të Kosovës dhe të Gjermanisë.

Kombëtarja e Kosovës në futboll për veteranë, nesër nga ora 13:00 do ta zhvillojë një ndeshje miqësore me Gjermaninë, shkruan Futbolli.info.

Sfida luhet në Kampin sportiv në Hajvali dhe pritet të jetë mjaft interesante.

Numri një i FFK-së, sot ka takuar lojtarët dhe u ka uruar mirëseardhje në ditën më të mirë të Kosovës, ditën e shtetësisë.
Postimi i Agim Ademit:

Sot i dëshirova mirëseardhje në Kosovë përfaqësuesve të Kombëtares së veteranëve të futbollit të Gjermanisë, Rudi Bommer, ish-futbollist, trajner dhe analist i shquar i ndeshjeve të futbollit në televizionet gjermane dhe Dieter Burdenski, zyrtar i Kombëtares së Gjermanisë.

Bashkë me ta ishin edhe përfaqësuesi i FFK-së në Gjermani, Fekmi Kongjeli dhe Markus Weidner, ish-drejtor për marrëdhënie me jashtë në DFB, i cili dha kontribut të madh në të gjitha proceset para dhe pas pranimit të Kosovës në UEFA e FIFA. Ai ishte në vendin tonë edhe vite më parë me rastin e licencimit të trajnerëve të parë kosovarë me licencë të UEFA-s.

Në emër të FFK-së e falënderova Kombëtaren e veteranëve të Gjermanisë që është bërë pjesë e festës sonë për shënimin e 15-vjetorit të Pavarësisë së Kosovës dhe shpreha mirënjohjen e parezervë për shtetin gjerman që në vazhdimësi ka qenë mbështetës i shtetndërtimit të Kosovës dhe i progresit të futbollit tonë.

Ndeshja e veteranëve Kosovë-Gjermani zhvillohet të shtunën në Kampin Nacional në Hajvali, në orën 13:00 dhe është pjesë e kalendarit shtetëror të aktiviteteve për shënimin e 15-vjetorit të Pavarësisë.

Me këtë rast ftoj të gjithë dashamirët e futbollit që të jenë të pranishëm në këtë ndeshje, ku do të kenë mundësi të shohin yjet e dikurshme të futbollit të Kosovës dhe të Gjermanisë.