Ermal Krasniqi pritet të transferohet në Korenë e Jugut në një marrëveshje mbi 3 milionë euro

Drejtori Nelu Varga zyrtarisht ka konfirmuar se sulmuesi Ermal Krasniqi pritet të transferohet në Korenë e Jugut në një marrëveshje mbi 3 milionë euro.

CFR Cluj pritet të fitojë një çmim të madh për kosovarin, që e blen vetëm 200 mijë euro nga Ballkani janarin e kaluar.

Sidoqoftë, Varga ka konfirmuar se nuk e lejon transferimin e Krasniqit te ndonjë rival, por më shumë gjasë do të kalojë në Korenë e Jugut.

“Krasniqi nuk do të shkojë në Superligë, te Rapidi ose diku tjetër. Më shumë gjasë do të transferohet në Korenë e Jugut në dimër”.

“Vlerat rreth 1 milion euro nuk mund t’i diskutojmë. Për Krasniqin mund të diskutojmë vetëm mbi 3 milionë euro”, tha ai për “Fanatik”.

Ditët e kaluara, presidenti i Clujit Cristi Balaj pranoi se as nuk është pyetje kalimi i mundshëm te Rapidi.

“Krasniqi për 1 milion e gjysmë? Nuk mendoj se këto transferime janë duke u diskutuar në media. Nuk kemi diskutuar për këtë situatë me Rapidin”.

“Nuk jam informuar për këtë diskutim dhe do të jetë vështirë të besohet se do ta shesim atë (Krasniqin) për atë çmim, por të gjithë lojtarët mund të shiten për çmimin e duhur”.

Përndryshe, Krasniqi thuhet se ka edhe një ofertë nga një skuadër arabe.