A ka vendosur Nelson Weiper një kusht për të zgjedhur Shqipërinë? Ylber Kelmendi tregon një tjetër 19-vjeçar nga Bundesliga që mund t’i bashkohet Silvinjos

Nelson Weiper pritet që të afrohet te Shqipëria. Sulmuesi i cili ka shënuar dy gola në Bundesligë me fanellën e Mainzit është aktualisht pjesë e Gjermanisë U-21. Por gazetari në Kosovë, Ylber Kelmendi, ka postuar në rrjetet sociale lajmin se Weiper mund të kalojë te Shqipëria. Në një intervistë për “Koha Shtesë”, Kelmendi ka treguar më shumë detaje. (Intervistën e plotë mund ta ndiqni në linkun më poshtë)

“Nelson Weiper mund të jetë afrimi i ri i Shqipërisë. Këtij lojtari i shkon për shtat që të përfaqësojë Shqipërinë tani. Unë e di se ata familjarisht janë të lidhur me Shqipërinë. Babain e ka gjerman, nënën e ka shqiptare. Por vijnë në Shqipëri gjithmonë në pushimet e verës, zgjedhin bregdetin shqiptar.

Dua të sqaroj diçka, nuk është mbyllur ende asgjë zyrtarisht, kjo duhet theksuar se lajmi im është transformuar nga shumë media. Megjithatë mund të them se zyrtarë të FSHF do të shkojnë që të flasin me lojtarin dhe do të shohim se çfarë do të dalë nga biseda mes tyre. Ai është një futbollist me shumë potencial që do të shkëlqente në Europian”, tha Kelmendi.

I pyetur nëse Weiper ka vendosur si kusht Shqipërinë A dhe nuk pranon asnjë grupmoshë tjetër të Shqipërisë pasi është vetëm 18-vjeç, Kelmendi u shpreh: “Aktualisht Weiper po luan me Gjermaninë U-21. Mesa di unë, Silvinjo ende nuk ka shkuar për ta ndjekur nga afër, edhe për shkakun se sulmuesi po kalon një dëmtim. Shqipëria tani është një emër më atraktiv për t’u zgjedhur nga lojtarët. Me aq sa kam parë, Kombëtarja ka bisedime edhe me lojtarin tjetër të Bundesligës dhe që luan po te Mainzi, Brajan Gruda, ndoshta edhe ai mund t’i bashkohet Shqipërisë”, tha Kelmendi. /Sport Ekspres/

Nelson Weiper pritet që të afrohet te Shqipëria. Sulmuesi i cili ka shënuar dy gola në Bundesligë me fanellën e Mainzit është aktualisht pjesë e Gjermanisë U-21. Por gazetari në Kosovë, Ylber Kelmendi, ka postuar në rrjetet sociale lajmin se Weiper mund të kalojë te Shqipëria. Në një intervistë për “Koha Shtesë”, Kelmendi ka treguar më shumë detaje. (Intervistën e plotë mund ta ndiqni në linkun më poshtë)

“Nelson Weiper mund të jetë afrimi i ri i Shqipërisë. Këtij lojtari i shkon për shtat që të përfaqësojë Shqipërinë tani. Unë e di se ata familjarisht janë të lidhur me Shqipërinë. Babain e ka gjerman, nënën e ka shqiptare. Por vijnë në Shqipëri gjithmonë në pushimet e verës, zgjedhin bregdetin shqiptar.

Dua të sqaroj diçka, nuk është mbyllur ende asgjë zyrtarisht, kjo duhet theksuar se lajmi im është transformuar nga shumë media. Megjithatë mund të them se zyrtarë të FSHF do të shkojnë që të flasin me lojtarin dhe do të shohim se çfarë do të dalë nga biseda mes tyre. Ai është një futbollist me shumë potencial që do të shkëlqente në Europian”, tha Kelmendi.

I pyetur nëse Weiper ka vendosur si kusht Shqipërinë A dhe nuk pranon asnjë grupmoshë tjetër të Shqipërisë pasi është vetëm 18-vjeç, Kelmendi u shpreh: “Aktualisht Weiper po luan me Gjermaninë U-21. Mesa di unë, Silvinjo ende nuk ka shkuar për ta ndjekur nga afër, edhe për shkakun se sulmuesi po kalon një dëmtim. Shqipëria tani është një emër më atraktiv për t’u zgjedhur nga lojtarët. Me aq sa kam parë, Kombëtarja ka bisedime edhe me lojtarin tjetër të Bundesligës dhe që luan po te Mainzi, Brajan Gruda, ndoshta edhe ai mund t’i bashkohet Shqipërisë”, tha Kelmendi. /Sport Ekspres/