Franca ndalet nga Polonia – Austria mund Holandën dhe merr kreun e grupit

Franca ka luajtur baras 1-1 ndaj Polonisë në ndeshjen e vlefshme për Grupin D që ishte e fundit e fazës së grupeve në Euro 2024.

Pjesa e parë ishte mjaft e qetë dhe rasti më i mirë gjatë këtij 45 minutëshi erdhi vetëm pak minuta para fundit të saj.

Mbappe në minutën e 42-të e testoi seriozisht portën e polakëve, por Skorupski reagoi mirë duke mos lejuar të mposhtej.

Fraksioni i dytë i këtij takimi ishte më i pasur në aspektin e rasteve për gol ku të dyja ekipet arritën që të shënojnë nga një herë.

“Gjelat” fillimisht rrezikuan përsëri me anë të Mbappes në minutën e 49-të, por sërish Skorupski ia mohoi golin.

Në minutën e 55-të, Dembele fitoi duelin e shpejtësisë ndaj Jakub Kiwior duke e detyruar këtë të fundit të shkaktojë penallti.

Nga pika e bardhë nuk dështoi Mbappe, i cili në minutën e 56-të realizoi për t’i dhënë epërsinë prej 1-0 Francës.

Në të njëjtën mënyrë golin e gjeti edhe Polonia, pasi Dayot Upamecano në minutën e 76-të shkaktoi ndërhyrje të palejueshme brenda zonës.

Penalltinë e goditur nga Lewandowski fillimisht e priti Maignan, por ajo u përsërit pasi kishte dalur me dy këmbët nga vija dhe në tentimin e dytë sulmuesi polak nuk gaboi për 1-1.

Deri në fishkëllimën e fundit të gjyqtarit nuk pati më ndonjë rast për t’u veçuar dhe Franca arriti të marrë vetëm një pikë duke u kualifikuar si e dyta e grupit pas fitores së Austrisë ndaj Holandës.

Kombëtarja e Austrisë ka arritur që të befasojë të gjithë, duke përfunduar e para në një grup me Francën e Holandën.

Pasi siguroi fitoren prej 3-2 ndaj Holandës, të besuarit e Ralf Rangnick siguruan vendin e parë me 6 pikë, para Francës e Holandës.

Ndeshja nisi më mirë për Austrinë, e cila shënoi në minutën e 6-të përmes autogolit të Malen, ndërsa për 1-1 u përkujdes Gakpo në fillim të pjesës së dytë.

Schmid shënoi për 2-1 me një gol të bukur me kokë.

Për 2-2 doli në skenë Depay, i cili barazoi rezultatin, për të nisur një rikthim të Holandës, që u ndal në gjysmë.

Sabitzer shënoi për 3-2 dhe u përkujdes për epilogun e takimit.

Austria e mbyll fazën e grupeve në vendin e parë me gjashtë pikë të tubuara në tri ndeshje, derisa e dyta është Franca me 5 pikë, gjersa Holanda e gjen veten në pozitën e tretë me 4 pikë.

Kështu, me gjasë, të tri kombëtaret do të jenë pjesë e 16 kombëtareve më të mira në fazën eliminuese.

Franca ka luajtur baras 1-1 ndaj Polonisë në ndeshjen e vlefshme për Grupin D që ishte e fundit e fazës së grupeve në Euro 2024.

Pjesa e parë ishte mjaft e qetë dhe rasti më i mirë gjatë këtij 45 minutëshi erdhi vetëm pak minuta para fundit të saj.

Mbappe në minutën e 42-të e testoi seriozisht portën e polakëve, por Skorupski reagoi mirë duke mos lejuar të mposhtej.

Fraksioni i dytë i këtij takimi ishte më i pasur në aspektin e rasteve për gol ku të dyja ekipet arritën që të shënojnë nga një herë.

“Gjelat” fillimisht rrezikuan përsëri me anë të Mbappes në minutën e 49-të, por sërish Skorupski ia mohoi golin.

Në minutën e 55-të, Dembele fitoi duelin e shpejtësisë ndaj Jakub Kiwior duke e detyruar këtë të fundit të shkaktojë penallti.

Nga pika e bardhë nuk dështoi Mbappe, i cili në minutën e 56-të realizoi për t’i dhënë epërsinë prej 1-0 Francës.

Në të njëjtën mënyrë golin e gjeti edhe Polonia, pasi Dayot Upamecano në minutën e 76-të shkaktoi ndërhyrje të palejueshme brenda zonës.

Penalltinë e goditur nga Lewandowski fillimisht e priti Maignan, por ajo u përsërit pasi kishte dalur me dy këmbët nga vija dhe në tentimin e dytë sulmuesi polak nuk gaboi për 1-1.

Deri në fishkëllimën e fundit të gjyqtarit nuk pati më ndonjë rast për t’u veçuar dhe Franca arriti të marrë vetëm një pikë duke u kualifikuar si e dyta e grupit pas fitores së Austrisë ndaj Holandës.

Kombëtarja e Austrisë ka arritur që të befasojë të gjithë, duke përfunduar e para në një grup me Francën e Holandën.

Pasi siguroi fitoren prej 3-2 ndaj Holandës, të besuarit e Ralf Rangnick siguruan vendin e parë me 6 pikë, para Francës e Holandës.

Ndeshja nisi më mirë për Austrinë, e cila shënoi në minutën e 6-të përmes autogolit të Malen, ndërsa për 1-1 u përkujdes Gakpo në fillim të pjesës së dytë.

Schmid shënoi për 2-1 me një gol të bukur me kokë.

Për 2-2 doli në skenë Depay, i cili barazoi rezultatin, për të nisur një rikthim të Holandës, që u ndal në gjysmë.

Sabitzer shënoi për 3-2 dhe u përkujdes për epilogun e takimit.

Austria e mbyll fazën e grupeve në vendin e parë me gjashtë pikë të tubuara në tri ndeshje, derisa e dyta është Franca me 5 pikë, gjersa Holanda e gjen veten në pozitën e tretë me 4 pikë.

Kështu, me gjasë, të tri kombëtaret do të jenë pjesë e 16 kombëtareve më të mira në fazën eliminuese.