Shpërthimi në kanalin e ujit, Edi Rama: Akti i sabotazhit mbi infrastrukturë, krim i rëndë që duhet ndëshkuar sa më parë nga ndërkombëtarët

Kryeministri i Shqipërisë, Edi Rama, ka dënuar shpërthimin që ndodhi mbrëmjen e kaluar në fshatin Varragë të komunës së Zubin Potokut, në veri të Kosovës.

Përmes një reagimi në platformën “X”, Rama e quan shpërthimin një akt të sabotazhit mbi infrastrukturë kritike që cenon jetën e qytetarëve të Kosovës. Më tej ai bën thirrje që ngjarja të zbardhet dhe të ndëshkohet, ndërsa ka një apel për Bashkimin Evropian që të heqë sanksionet e mbetura ndaj Kosovës.

“Akti i sabotazhit mbi infrastrukturën kritike të furnizimit me ujë në kanalin e Ibër Lepencit është një krim i rëndë, i cili cënon jetën e qytetarëve të Kosovës dhe godet procesin e normalizimit të marrëdhënieve në rajonin tonë, ku të gjitha shtetet janë të përfshira në rrugën e integrimit në Bashkimin Europian. Kjo goditje kriminale duhet zbardhur e ndëshkuar sa më parë me mbështetjen e partnerëve ndërkombëtarë.

Ndërkohë Bashkimi Europian duhet të heqë menjëherë sanksionet e mbetura ndaj Kosovës dhe të riangazhohet në një format të ri dialogu për normalizim mes Kosovës dhe Serbisë. Formati ekzistues ka dështuar të prodhojë rezultatet e dëshiruara dhe është koha që çështjet e dialogut të kalojnë përmes marrëdhënieve bilaterale të BE-së me Kosovën apo Serbinë, si dy shtete njësoj të pavarura prej njëra-tjetrës, ku fati europian i secilit shtet s’mund të varet nga dëshirat a mosdëshirat e shtetit tjetër; ashtu sikundër fati europian i krejt rajonit s’mund të varet nga mosnjohja e Kosovës nga Serbia apo 5 shtete anëtare të BE-së”, shkruan Edi Rama në rrjete sociale.

Kryeministri i Shqipërisë, Edi Rama, ka dënuar shpërthimin që ndodhi mbrëmjen e kaluar në fshatin Varragë të komunës së Zubin Potokut, në veri të Kosovës.

Përmes një reagimi në platformën “X”, Rama e quan shpërthimin një akt të sabotazhit mbi infrastrukturë kritike që cenon jetën e qytetarëve të Kosovës. Më tej ai bën thirrje që ngjarja të zbardhet dhe të ndëshkohet, ndërsa ka një apel për Bashkimin Evropian që të heqë sanksionet e mbetura ndaj Kosovës.

“Akti i sabotazhit mbi infrastrukturën kritike të furnizimit me ujë në kanalin e Ibër Lepencit është një krim i rëndë, i cili cënon jetën e qytetarëve të Kosovës dhe godet procesin e normalizimit të marrëdhënieve në rajonin tonë, ku të gjitha shtetet janë të përfshira në rrugën e integrimit në Bashkimin Europian. Kjo goditje kriminale duhet zbardhur e ndëshkuar sa më parë me mbështetjen e partnerëve ndërkombëtarë.

Ndërkohë Bashkimi Europian duhet të heqë menjëherë sanksionet e mbetura ndaj Kosovës dhe të riangazhohet në një format të ri dialogu për normalizim mes Kosovës dhe Serbisë. Formati ekzistues ka dështuar të prodhojë rezultatet e dëshiruara dhe është koha që çështjet e dialogut të kalojnë përmes marrëdhënieve bilaterale të BE-së me Kosovën apo Serbinë, si dy shtete njësoj të pavarura prej njëra-tjetrës, ku fati europian i secilit shtet s’mund të varet nga dëshirat a mosdëshirat e shtetit tjetër; ashtu sikundër fati europian i krejt rajonit s’mund të varet nga mosnjohja e Kosovës nga Serbia apo 5 shtete anëtare të BE-së”, shkruan Edi Rama në rrjete sociale.