Flamuri që tmerroi Serbinë dhe bëri jehonë ndërkombëtare!

Flamuri i Republikës së Kosovës, i vendosur në qendër të Beogradit së bashku me 54 flamujt e tjerë të shteteve anëtare të UEFA-s, shkaktoi tronditje në opinionin radikal dhe shovinist serb. Shpalosja e flamurit para kamerave nga kreu i FFK-së, z. Agim Ademi, u përjetua si një provokim i madh për qarqet ekstremiste në Serbi.

Presidenti serb Aleksandar Vuçiq, i njohur për inskenime dhe montime të rreme, organizoi heqjen e flamurit të Kosovës duke përdorur grupe kriminale të orkestruara – një veprim i kryer me qëllim që të mos binte në sy të zyrtarëve të UEFA-s. Pas largimit të tyre, flamuri i Kosovës u dogj para kamerave, në një akt simbolik të përdorur për konsum të brendshëm politik dhe për të qetësuar opinionin radikal serb, i njohur për krimet dhe qëndrimet e tij të errëta në të gjitha luftërat në ish-Jugosllavi, veçanërisht në luftën në Kosovë.

Ky veprim i turpshëm ishte gjithashtu një reagim ndaj jehonës që mediat ndërkombëtare i dhanë vendosjes së flamurit të Kosovës në zemër të Beogradit – një kujtesë për Vuçiqin dhe për gjithë Serbinë se realiteti është i pakthyeshëm: Kosova është shtet i pavarur dhe sovran, dhe flamuri i saj sot valon përkrah flamujve të tjerë në eventet më të mëdha të futbollit botëror.

Gjatë viteve të izolimit, kur lobonim për pranimin në UEFA dhe FIFA, ndërkombëtarët shpesh na thoshin: “Serbia do ta ketë më të vështirë ta pranojë pranimin e Kosovës në UEFA dhe FIFA sesa vetë shpalljen e pavarësisë.” Dhe kjo po vërtetohet sot.

Flamuri i Kosovës do të vazhdojë të valojë në të gjitha eventet zyrtare të UEFA-s dhe FIFA-s, përkrah 55 shteteve evropiane dhe 211 shteteve anëtare të FIFA-s, me të drejta të barabarta.

Në fund të gjithë kësaj, Serbia, me këto veprime të shëmtuara, shënoi edhe një autogol tjetër – një veprim që do t’i kushtojë!

Dhe shtrohet pyetja: Si është e mundur që edhe disa shqiptarë bien në grackën e montimeve të Vuçiqit?

Zot, ruana!

Fekmi Kongjeli
Menaxher i licencuar nga FIFA

Flamuri i Republikës së Kosovës, i vendosur në qendër të Beogradit së bashku me 54 flamujt e tjerë të shteteve anëtare të UEFA-s, shkaktoi tronditje në opinionin radikal dhe shovinist serb. Shpalosja e flamurit para kamerave nga kreu i FFK-së, z. Agim Ademi, u përjetua si një provokim i madh për qarqet ekstremiste në Serbi.

Presidenti serb Aleksandar Vuçiq, i njohur për inskenime dhe montime të rreme, organizoi heqjen e flamurit të Kosovës duke përdorur grupe kriminale të orkestruara – një veprim i kryer me qëllim që të mos binte në sy të zyrtarëve të UEFA-s. Pas largimit të tyre, flamuri i Kosovës u dogj para kamerave, në një akt simbolik të përdorur për konsum të brendshëm politik dhe për të qetësuar opinionin radikal serb, i njohur për krimet dhe qëndrimet e tij të errëta në të gjitha luftërat në ish-Jugosllavi, veçanërisht në luftën në Kosovë.

Ky veprim i turpshëm ishte gjithashtu një reagim ndaj jehonës që mediat ndërkombëtare i dhanë vendosjes së flamurit të Kosovës në zemër të Beogradit – një kujtesë për Vuçiqin dhe për gjithë Serbinë se realiteti është i pakthyeshëm: Kosova është shtet i pavarur dhe sovran, dhe flamuri i saj sot valon përkrah flamujve të tjerë në eventet më të mëdha të futbollit botëror.

Gjatë viteve të izolimit, kur lobonim për pranimin në UEFA dhe FIFA, ndërkombëtarët shpesh na thoshin: “Serbia do ta ketë më të vështirë ta pranojë pranimin e Kosovës në UEFA dhe FIFA sesa vetë shpalljen e pavarësisë.” Dhe kjo po vërtetohet sot.

Flamuri i Kosovës do të vazhdojë të valojë në të gjitha eventet zyrtare të UEFA-s dhe FIFA-s, përkrah 55 shteteve evropiane dhe 211 shteteve anëtare të FIFA-s, me të drejta të barabarta.

Në fund të gjithë kësaj, Serbia, me këto veprime të shëmtuara, shënoi edhe një autogol tjetër – një veprim që do t’i kushtojë!

Dhe shtrohet pyetja: Si është e mundur që edhe disa shqiptarë bien në grackën e montimeve të Vuçiqit?

Zot, ruana!

Fekmi Kongjeli
Menaxher i licencuar nga FIFA