Sa e sa herë e kam thënë, nuk shkon sporti para në Kosovë, kur kemi njerëz që kanë tre a katër pozita (dy a tre vende pune)!
Punon edhe në ministri edhe në DSK edhe trajner në klub, punon edhe në federatë edhe trajner në klub.
Thuajse Kosova i ka 500 banorë dhe nuk ka njerëz, patjetër e kanë që të janë rrush me pozita.
Kosova i ka mbi 2 milionë banorë!
Këta njerëz që luftojnë për shumë pozita gjithmonë bëjnë probleme sepse e kërkojnë shumë hise!
Po diskutohet shumë, licencohet apo jo futbolli! Bën edhe pa futboll: pak pushoni e relaksoni, se jeni lodhur!
![](https://albaniannews.net/wp-content/uploads/2024/05/holiday-300x250-1.png")
Përderisa nuk luftohet dukuria që njerëz me shumë. pozita, sporti ka me shku gjithnjë e më poshtë.
E kemi trajnerin më të mirë në botë, Driton Kuka, tek ai ka profesionalizëm dhe nuk ka lejuar që të përzihen njerëz që veç kanë dëgju për sport.
Sporti është kategori e rëndë për shumë që janë futur aty, tani po mendojnë që janë bë yje pa shënuar kurrë gol e kosh!
Emrat e mëdhenj janë hedhur në baltë, ani ata që i kanë bë mbi 65 vjet, thonë janë arkiva, demek ikni sa më larg, se ka burra që i mbajnë nga tre a katër pozita. Shumë jemi të vyeshëm, shpejt do të kemi edhe fabrikën e aeroplanëve. Kuadro kemi, po bota nuk ka marrë vesh ende!
Kemajl Goca
(Autori është gazetar sportiv në Bota Sot, marr nga profili i tij në facebook.)
