Aderimi më i ri në VV, Bylbyl Sokoli, është plagjiator | ORCA e Rron Gjinovcit e kishte denoncuar në UP (Dokument)

Organizata për Rritjen e Cilësisë në Arsim (ORCA) në vitin 2022 kishte kërkuar që të mos lejohet avancimi i profesorëve të Fakultetit të Edukimit Fizik dhe Sportit të cilët ishin shpallur plagjiatorë nga Këshilli i Etikës.

Sipas kësaj organizate, atyre i ishin shqiptuar dënime qesharake për mosmentorim të diplomave.

“Por, ajo që po ndodh në Universitetin e Prishtinës është skandaloze. Plagjiatorët në këtë universitet po shpërlahen siç shpërlahen paratë e mafisë. Atyre po u shqiptohet dënimi më qesharak që mund të mendohet për një hajn. Po u shqiptohet dënimi me mosmentorim të diplomave nga dy e tre vjet, çka në fakt përbën lehtësim të punës së tyre”.

Në mesin e tyre është edhe Bylbyl Sokoli që u fut në listën për deputet në radhët e Vetëvendosjes, shkruan Ballkani.info.

ORCA ka sqaruar se për dy vjet profesorët lirohen nga obligimi i mentorimit të diplomave ndërkohë që paga e tyre mbetet e njëjtë.

“Gjatë vitit 2022 ORCA ka vërtetuar 7 plagjiatorë. Ardian Kastrati deputet në Kuvendin e Republikës, Bujar Dugolli senator në UP, 1 muaj më parë. Ndërkaq sot, këtyre iu bashkohen edhe 5 të tjerë, përfshirë dekanin e Fakultetit të Sporteve Musa Selimi, profesorin Bylbyl Sokoli, profesori Ajvaz Berisha, profesori Hazir Salihu dhe profesori Afrim Koca”.

ORCA ka kërkuar që në varësi të rasteve, që plagjiatorët ose të përjashtohen dhe t’u merren titujt aktualë kur ata e kanë mashtruar universitetin, ose të merren masa si moslejim i avancimeve kur ata nuk kanë arritur që mashtrimin ta çojnë deri në fund.

Ndërkaq, kishin përsëritur kërkesën për vetting në arsim.

Sipas vendimeve të Këshillit të Etikës, katër profesorët, Selimi, Salihu, Koca dhe Sokoli ishin  ndëshkuar me nga dy vjet mohim të përfshirjen në mentorim në të gjitha nivelet e studimit në UP. Vetëm profesori Ajvaz Berisha ka marrë tri vjet.

Në arsyetimin e vendimit thuhet se për dënimet e të katërve është marrë parasysh si rrethanë lehtësuese pasi ata kanë shprehur “keqardhje të madhe për situatën e krijuar” dhe janë “distancuar me vetiniciativë nga punimi i tillë”.

Ata janë denoncuar për plagjiaturë të punimeve shkencore me qëllim të avancimit akademik. Këshilli gjeti për secilin situata ku cenohen të drejtat autoriale dhe fenomeni i plagjiaturës në punimet e tyre. /Ballkani.info/

Organizata për Rritjen e Cilësisë në Arsim (ORCA) në vitin 2022 kishte kërkuar që të mos lejohet avancimi i profesorëve të Fakultetit të Edukimit Fizik dhe Sportit të cilët ishin shpallur plagjiatorë nga Këshilli i Etikës.

Sipas kësaj organizate, atyre i ishin shqiptuar dënime qesharake për mosmentorim të diplomave.

“Por, ajo që po ndodh në Universitetin e Prishtinës është skandaloze. Plagjiatorët në këtë universitet po shpërlahen siç shpërlahen paratë e mafisë. Atyre po u shqiptohet dënimi më qesharak që mund të mendohet për një hajn. Po u shqiptohet dënimi me mosmentorim të diplomave nga dy e tre vjet, çka në fakt përbën lehtësim të punës së tyre”.

Në mesin e tyre është edhe Bylbyl Sokoli që u fut në listën për deputet në radhët e Vetëvendosjes, shkruan Ballkani.info.

ORCA ka sqaruar se për dy vjet profesorët lirohen nga obligimi i mentorimit të diplomave ndërkohë që paga e tyre mbetet e njëjtë.

“Gjatë vitit 2022 ORCA ka vërtetuar 7 plagjiatorë. Ardian Kastrati deputet në Kuvendin e Republikës, Bujar Dugolli senator në UP, 1 muaj më parë. Ndërkaq sot, këtyre iu bashkohen edhe 5 të tjerë, përfshirë dekanin e Fakultetit të Sporteve Musa Selimi, profesorin Bylbyl Sokoli, profesori Ajvaz Berisha, profesori Hazir Salihu dhe profesori Afrim Koca”.

ORCA ka kërkuar që në varësi të rasteve, që plagjiatorët ose të përjashtohen dhe t’u merren titujt aktualë kur ata e kanë mashtruar universitetin, ose të merren masa si moslejim i avancimeve kur ata nuk kanë arritur që mashtrimin ta çojnë deri në fund.

Ndërkaq, kishin përsëritur kërkesën për vetting në arsim.

Sipas vendimeve të Këshillit të Etikës, katër profesorët, Selimi, Salihu, Koca dhe Sokoli ishin  ndëshkuar me nga dy vjet mohim të përfshirjen në mentorim në të gjitha nivelet e studimit në UP. Vetëm profesori Ajvaz Berisha ka marrë tri vjet.

Në arsyetimin e vendimit thuhet se për dënimet e të katërve është marrë parasysh si rrethanë lehtësuese pasi ata kanë shprehur “keqardhje të madhe për situatën e krijuar” dhe janë “distancuar me vetiniciativë nga punimi i tillë”.

Ata janë denoncuar për plagjiaturë të punimeve shkencore me qëllim të avancimit akademik. Këshilli gjeti për secilin situata ku cenohen të drejtat autoriale dhe fenomeni i plagjiaturës në punimet e tyre. /Ballkani.info/