Agim Ademi për suksesin e U19-shave të Kosovës: Është dëshmi për të ardhme të ndritur

“Dardanët” U19 pas barazimit 1:1 me Sllovakinë, fitoren 4:0 kundër Ukrainës dhe barazimin e sotëm 2:2 ndaj Maltës, siguruan kualifikimin në “Elite Round”.

Ademi shkroi në Facebook se ky sukses është dëshmi për të ardhme të ndritur te Kosova.

Postimi i plotë:

Kombëtarja U19 kualifikohet në “Elite Round” për kualifikimet e Evropianit 2024. Pas barazimit me Sllovakinë (1:1) dhe fitores bindëse ndaj Ukrainës (4:0), djemoshat dardanë barazuan në ndeshjen e tretë kundër Maltës (2:2), rezultat ky që i mjaftoi për ta siguruar kualifikimin tutje nga Grupi 7.

Ky pa dyshim është një sukses frymëzues për futbollin e Kosovës dhe dëshmi për të ardhme të ndritur.

Uroj secilin futbollist për angazhimin dhe kontributin e dhënë për këtë arritje. Po ashtu, përgëzoj edhe stafin në krye me përzgjedhësin Adil Maliqi për punën e mirë gjatë kësaj periudhe.

Suksese dhe fat në “Elite Round”.