Ballkani po përjeton një sukses të madh në arenën evropiane. Kampionët e Kosovës janë kualifikuar në fazën “play off” të Ligës së Konferencës. Tashmë “xhebraliave” u mbeten vetëm dy ndeshjet me Bate Borisovin për të prerë për herë të dytë në histori biletën për në grupet e Ligës së formuar para tri vitesh.
Por përpos arritjes sportive, një tjetër aspekt pozitiv për klubin ku ka pronar, biznesmenin Arsim Kabashi janë edhe paratë e grumbulluara deri më tani. Klubi nga Suhareka ka mbushur arkat me 1.41 milionë euro, të cilat do të shtohen edhe më tepër deri në fund të rrugëtimit të tyre.
![](https://albaniannews.net/wp-content/uploads/2024/05/Walone.jpg")
Në rastin më të keq Bllakani do të arkëtojë 1.67 milionë euro nga UEFA. Një skenar që vlen në rast se Ballkani do të eliminohen nga Bate Borisov në “play off”.
![](https://albaniannews.net/wp-content/uploads/2024/04/300x250.jpg")
Kujtojmë që UEFA jep një shpërblim prej 260 mijë eurosh për klubet kampione që nuk mund të sigurojnë dot një vend në fazën e grupeve. Ndërkohë, nëse Ballkani kalon edhe Baten, atëherë padyshim që të ardhurat do të rriten edhe më tepër dhe pritet të shkojnë deri në rreth 3 milionë euro, shkruan Albanian News
Këto janë parat që marrin skuadrat me pas në grupet e Konferencë Ligës.
Për sezonin 2022–2023, pjesëmarrja në fazën e grupeve në Ligën e Konferencës së Evropës i jepet një tarifë bazë prej 2,940,000 €. Një fitore në grup paguhet 500 mijë euro dhe një barazim 166 mijë euro. Gjithashtu, çdo fitues i grupit fiton 650,000 € dhe secili nënkampion 325,000 €. Arritja në fazën e eliminimit shkakton me bonuse shtesë: 300,000 € për raundin e 32-të, 600,000 € për fazën e 16-të, 1,000,000 € për çerekfinalet dhe 2,000,000 € për gjysmëfinalet. Finalistët humbës marrin 3,000,000 € dhe kampionët marrin 5,000,000 €.
Përndryshe Ballkani llogaritet favorit edhe në ‘Play Off’ dhe gjasat janë shumë të mëdha që Kampioni i Kosovës te futet për herë të dytë në grupet e Ligës së Konferencës./Albanian News
