Barcelona dhe Leeds arrijnë marrëveshje për Raphinhan

Barcelona dhe Leeds United kanë arritur marrëveshje për transferimin e Raphinhas, me klubin anglez që më në fund ka pranuar propozimin e katalanasve.

Bisedimet kishin ngecur për disa ditë, pasi skuadra e Premier Leagues priste një ofertë zyrtare nga Barcelona.

Blaugranët kishin përgatitur një ofertë që besohet të jetë 55 milionë euro plus 20 milionë bonuse të lidhura me performancën.

Ndërkohë, Raphinha kishte qenë në Londër, në pritje të marrëveshjes mes dy klubeve, shkruan Marca, transmeton Klankosova.tv.

Për shkak të interesit të fortë për të nga Barcelona dhe Chelsea, lojtari nuk ka udhëtuar me pjesën tjetër të skuadrës së Leeds për turneun e tyre parasezonal në Australi.

Raphinha, 25 vjeç, filloi karrierën e tij me Avai në Brazil, përpara se të transferohej në Evropë në moshën 19-vjeçare për t’u bashkuar me Vitoria Guimaraes.

Ai vazhdoi të luajë për Sporting CP dhe Rennes përpara se të bashkohej me Leeds në 2015.

Sezonin e kaluar, anësori shënoi 11 gola në 35 ndeshje në Premier League.