Bie importi i veturave në Kosovë

Shifrat e importimit të automjeteve nga jashtë kanë rënë që nga shfaqja e pandemisë COVID-19. Muaji prill shënon rënien më të ulët të importit të veturave në 400 sosh, nga 2000 sa kanë qenë në prillin e vitit të kaluar.

Për shkak të pandemisë COVID-19, importimi i veturave nga jashtë ka pësuar rënie.

Sipas të dhënave zyrtare të Doganës së Kosovës, që nga marsi i këtij viti e deri në gusht Kosova ka importuar rreth 4 mijë automjete më pak se në muajt e njëjtë të vitit të kaluar.
Vlera e tyre kap shumën e 82 milionë eurove ose 32 milionë më pak se në 6 muajt e 2019-s.

Më së paku vetura janë importuar në muajin prill, vetëm 400 sosh në vlerë prej 4 milionë eurosh derisa vitin e kaluar ishin 2000.

Kësisoj, gjatë 2019-s qytetarët kanë shpenzuar 224 milionë euro për blerjen e veturave nga jashtë, ndërsa në tetë muajt e këtij viti janë shpenzuar 115 milionë euro.

Pandemia ka ndikuar edhe në rënien e importimit të veturave të reja, ku përsëri muaji prill është ndikuar më së shumti. Përgjatë këtij muaji janë importuar vetëm 91 vetura të reja në vlerë prej 1 milionë eurosh, krahasuar me prillin e vitit të kaluar kur janë importuar 338 vetura të reja me vlerë prej 5 milionë eurosh.

Në total brenda këtij viti janë importuar 6 mijë e 876 vetura të përdorura dhe 1 mijë e 194 vetura të reja.
Ligji për automjetet është në procedurë të plotësim-ndryshimit dhe ditë më parë, ministri i Punëve të Brendshme, Agim Veliu, ka deklaruar se bashkë me ministrin e Infrastrukturës, Arban Abrashin, janë duke mundësuar lehtësimin e procedurave për regjistrim të automjeteve.

Mirëpo, pavarësisht pyetjeve të KOHËS, nga të dyja ministritë nuk kanë pohuar e as mohuar nëse me plotësim-ndryshimin e këtij ligji do të rritet apo zvogëlohet kufiri i vjetërsisë së veturave që importohen nga jashtë.

Shifrat e importimit të automjeteve nga jashtë kanë rënë që nga shfaqja e pandemisë COVID-19. Muaji prill shënon rënien më të ulët të importit të veturave në 400 sosh, nga 2000 sa kanë qenë në prillin e vitit të kaluar.

Për shkak të pandemisë COVID-19, importimi i veturave nga jashtë ka pësuar rënie.

Sipas të dhënave zyrtare të Doganës së Kosovës, që nga marsi i këtij viti e deri në gusht Kosova ka importuar rreth 4 mijë automjete më pak se në muajt e njëjtë të vitit të kaluar.
Vlera e tyre kap shumën e 82 milionë eurove ose 32 milionë më pak se në 6 muajt e 2019-s.

Më së paku vetura janë importuar në muajin prill, vetëm 400 sosh në vlerë prej 4 milionë eurosh derisa vitin e kaluar ishin 2000.

Kësisoj, gjatë 2019-s qytetarët kanë shpenzuar 224 milionë euro për blerjen e veturave nga jashtë, ndërsa në tetë muajt e këtij viti janë shpenzuar 115 milionë euro.

Pandemia ka ndikuar edhe në rënien e importimit të veturave të reja, ku përsëri muaji prill është ndikuar më së shumti. Përgjatë këtij muaji janë importuar vetëm 91 vetura të reja në vlerë prej 1 milionë eurosh, krahasuar me prillin e vitit të kaluar kur janë importuar 338 vetura të reja me vlerë prej 5 milionë eurosh.

Në total brenda këtij viti janë importuar 6 mijë e 876 vetura të përdorura dhe 1 mijë e 194 vetura të reja.
Ligji për automjetet është në procedurë të plotësim-ndryshimit dhe ditë më parë, ministri i Punëve të Brendshme, Agim Veliu, ka deklaruar se bashkë me ministrin e Infrastrukturës, Arban Abrashin, janë duke mundësuar lehtësimin e procedurave për regjistrim të automjeteve.

Mirëpo, pavarësisht pyetjeve të KOHËS, nga të dyja ministritë nuk kanë pohuar e as mohuar nëse me plotësim-ndryshimin e këtij ligji do të rritet apo zvogëlohet kufiri i vjetërsisë së veturave që importohen nga jashtë.