Sot (e shtunë) janë në program për t’u zhvilluar dy ndeshje të vlefshme për javën e 25-të në Albi Mall Superligën e Kosovës.
Xhiro e 25-të ka nisur të premten me ndeshjen Ballkani-Ferizaj, të fituar nga vendasit 2-1, ndërsa sot pritet të zhvillohen edhe dy përballje tjera.
E para në program është ajo në mes të Dukagjinit dhe Dritës, e cila është paraparë të luhet në stadiumin ’18 Qershori’ në Klinë.
Në ndeshjen tjetër, Gjilani e pret Prishtinën në stadiumin me bari artificial në këtë qytet.
Dy ndeshjet pritet të fillojnë nga ora 14:00, ndërsa dy ndeshje tjera do të zhvillohen nesër (e diel).