Dukagjini me rikthim senzacional ka arkëtuar pikët e plota në përballje me Malishevën vendase, e sapo rikthyer në stadiumin ‘Liman Gega’ pas renovimit. Takimi përfundoi me rezultat 3:4, derisa fillimisht Malisheva kishte krijuar rezultatin 2:0.
Vendasit kaluan në avantazh, kur në minutën e 11-të Altin Aliu shënon për t’i dhënë epërsinë ekipit të tij, pas një asistimi nga Drilon Hazrollaj.
Teksa po afrohej fundi i pjesës së parë u shënuan edhe dy gola por njëri prej tyre u anulua.
![](https://albaniannews.net/wp-content/uploads/2024/05/holiday-300x250-1.png")
Fillimisht, Nyavedji u përkujdes për të dyfishuar epërsinë e Malishevës më një gol të shënuar në minutën e 40-të pasi u shërbye mjaft mirë nga Altin Aliu.
Vetëm dy minuta më vonë, saktësisht në minutën e 42-të Marclei Santos shënoi për të ngushtuar epërsinë, por VAR-i intervenoi dhe anuloi golin për pozitë të parregullt.
Pjesa e parë përfundoi me epërsi dyshifrore të Malishevës.
Në start të pjesës së dytë, në minutën e 47-të shënon Iljasa Zulfiu për të ngushtuar epërsinë e vendasve dhe për të rihapur edhe një herë sfidën.
Ky gol siç duket i motivoi mysafirët të cilët nuk vonuan shumë për të shënuar golin e barazimit dhe atë e gjetën në minutën e 55-të, ku këtë herë protagonist ishte Iran Junior i cili u asistua nga Marclei Santos.
![](https://albaniannews.net/wp-content/uploads/2024/05/Walone.jpg")
Golin e tretë dhe të rikthimit për Dukagjinin e shënoi pikërisht Marclei Santos në minutën e 70-të të ndeshjes.
Ndërsa, golin e katërt dhe atë që vulosi rikthimin e “çmendur” të Dukagjinit e shënoi Altin Mërlaku në minutën e 80-të të takimit.
Malisheva u mundua të rikthehet në lojë pasi shënuan edhe një herë tjetër në minutën e 93-të përmes Drilon Hazrollajt, por ai gol nuk mjaftoi për të shmangur humbjen.
Kështu Dukagjini mori fitoren e parë pas shtatë ndeshjesh duke shënuar që të gjithë golat në pjesën e dytë.
Pas kësaj ndeshje Dukagjini gjen veten në pozitën e gjashtë me 12 pikë të grumbullara aq sa ka edhe Malisheva.
