Dzeko me fjalë të mëdha për Mourinhon

Jose Mourinho e nisi me fitore aventurën e tij tek skuadra e Fenerbahces.

Ekipi turk arriti fitore si mysafir të Luganos 3:4, në kuadër të ndeshjes së parë të raundit të dytë kualifikues të UEFA Champions League.

Në këtë përballje fantastik ishte Edin Dzeko, i cli shënoi hat-trick.

“Mund të them se ishte një ndeshje ndryshe. Luajtëm në një fushë sintetike. E nisëm ndeshjen ngadalë, pastaj mendoj se e nisëm më fuqishëm pjesën e dytë. Gjëja pozitive është se dolëm me fitore, jemi në një situatë të favorshme”, tha boshnjaku për ndeshjen.

Ai u ndal të flasë edhe për Mourinhon, për të cilin kishte fjalë të mëdha.

“Mourinho dhe unë e njohim mirë njëri-tjetrin. Ne kemi punuar së bashku për një muaj, ai është një personazh i mrekullueshëm. Është fantastike që ai është në krye të Fenerbahçes”, përfundoi ai.

Përvec Edin Dzekos, golin tjetër për Fenerbahcen e realizoi Kadıoğlu.

Për vendësit realizoi futbollisti kosovar Uran Bislimi, së bashku me El Wafi e Valenzuela.

Ndeshja kthyese mes Fenerbahces e Luganos zhvillohet më 30 korrik në Turqi.