Gazetari kosovar humb betejën me COVID-19

Televizioni Tema nga Ferizaj ka njoftuar se ka ndërruar jetë gazetari, Musli Berisha, i cili përgjatë punës së tij ka ushtruar punën e kryeredaktorit.

Në njoftim, nga ky televizion i shprehet ngushëllime familjes së të ndjerit, derisa thuhet se Kosova ka humbur një emër të madh të gazetarisë televizive.

Njoftimi i plotë:

Pas një beteje dyjavore me COVID-19, sot në Qendrën Klinike dhe Universitare të Prishtinës vdiq gazetari dhe shkrimtari ferizajas Musli Berisha (60).

Musli Berisha e nisi karrierën e tij të gazetarisë në vitin 1984 -1987 në Radio Ferizaj, për ta vazhduar atë menjëherë pas çlirimit të Kosovës sërish në Radio Ferizaj 1999-2001, si dhe duke raportuar për agjencinë e lajmeve Kosovalive. Në vitin 2001 Musli Berisha iu bashkua stafit të Radio Tema në cilësinë e kryeredaktorit të programit informativ të radios, e pastaj edhe të TV TEMA, ku dha kontribut të çmueshëm për ndërtimin e programit informativ të këtij mediumi deri në vitin 2014.

Atë vit Musli Berisha punësohet në Komunën e Ferizajt, ndërsa veprimtarinë profesionale e vazhdon me botimin e disa veprave letrare nën pseudonimin artistik Mumir Ferko.

Familjes së të ndjerit i kanë dërguar telegrame ngushëllimi kryetari i Ferizajt, Agim Aliu, menaxhmenti i RTV Tema dhe klubi i gazetarëve të Ferizajt “Haki Braha”.

Televizioni Tema nga Ferizaj ka njoftuar se ka ndërruar jetë gazetari, Musli Berisha, i cili përgjatë punës së tij ka ushtruar punën e kryeredaktorit.

Në njoftim, nga ky televizion i shprehet ngushëllime familjes së të ndjerit, derisa thuhet se Kosova ka humbur një emër të madh të gazetarisë televizive.

Njoftimi i plotë:

Pas një beteje dyjavore me COVID-19, sot në Qendrën Klinike dhe Universitare të Prishtinës vdiq gazetari dhe shkrimtari ferizajas Musli Berisha (60).

Musli Berisha e nisi karrierën e tij të gazetarisë në vitin 1984 -1987 në Radio Ferizaj, për ta vazhduar atë menjëherë pas çlirimit të Kosovës sërish në Radio Ferizaj 1999-2001, si dhe duke raportuar për agjencinë e lajmeve Kosovalive. Në vitin 2001 Musli Berisha iu bashkua stafit të Radio Tema në cilësinë e kryeredaktorit të programit informativ të radios, e pastaj edhe të TV TEMA, ku dha kontribut të çmueshëm për ndërtimin e programit informativ të këtij mediumi deri në vitin 2014.

Atë vit Musli Berisha punësohet në Komunën e Ferizajt, ndërsa veprimtarinë profesionale e vazhdon me botimin e disa veprave letrare nën pseudonimin artistik Mumir Ferko.

Familjes së të ndjerit i kanë dërguar telegrame ngushëllimi kryetari i Ferizajt, Agim Aliu, menaxhmenti i RTV Tema dhe klubi i gazetarëve të Ferizajt “Haki Braha”.