Hidhet shorti për çerekfinalet e Kupës së Kosovës

Sot është hedhur shorti për fazën çerekfinale të Kupës së Kosovës.

Në shortin e hedhur në zyret e Federatës së Futbollit të Kosovës, janë caktuar çifte mjaftë të forta.

Ndeshja më interesante do të jetë ajo ndërmjet kampionit të Kosovës, Ballkani dhe Prishtinës. Si për ironi të fatit këto dy palë do të përballen edhe në fundjavë në kuadër të elitës së futbollit kosovar.

Trepça ’89 do të ndeshjet me Gjilanin.
Këto dy skuadra u takuan së fundi në kuadër të Albi Mall Superligës. Fitore realizuan gjilanasit, duke u vlerësuar favorit edhe në garat e kupës.

Malisheva pas fitores ndaj Drenicës, tani e kupton që në Kupë i vazhdon garat me fituesin e dyfishtë, Llapin. Këta të fundit në ndeshjen e fundit pësuan nga Prishtina.

Çifti i fundit është ai ndërmjet Vushtrrisë dhe Beharit, mund të qytet fat pasi si njëra ashtu edhe skuadra tjetër janë larg nivelit të skuadrave elite.

Trepca ‘89 – Gjilani

Llapi – Malisheva

Vushtrria – Behari

Prishtina – Ballkani

Ndeshjet zhvillohen më 15 Mars