Kampioni i Kosovës, FC Ballkani pritet që të luajë përsëri në grupe të Ligës së Konferencës në Europë. Pavarësisht humbjes 1-0 nga kampioni i Bjellorusisë skuadra e strategut shqiptar Ilir Daja kalon në grupe pasi që në ndeshjen e parë ata fituan me rezultat 4-1. Ballkani kalon në grupe të Ligës së Konferencës
Janë përsëri ata, Ballkani i Suharekës, kampioni i Kosovës që do të luajë përsëri në grupe të Ligës së Konferencës garë kjo që organizohet nga UEFA.
Menjëherë pas këtij suksesi të kampionit kosovar, ka reaguar Presidenti i Federatës së Futbollit të Kosovës, Agim Ademi. Në rrjetet sociale ai ka me anë të një postimi ka uruar suharekasit.
Më posht e gjeni postimin e Ademit:
👏Urimet më të përzemërta për FC Ballkani për arritjen e madhe në UEFA Conference League! 🥳🎉
🏆 Një tjetër vit i suksesshëm për futbollin e Kosovës, një tjetër arritje për kampionin tonë, FC Ballkani! 🇽🇰⚽
👏 Për herë të dytë radhazi kampionët tanë treguan fuqinë e tyre në skenën evropiane duke siguruar një vend në fazën e grupeve në UEFA Conference League. 🌟
🏟️ Pas një fitore të mrekullueshme 4:1 në stadiumin “Fadil Vokrri”, FC Ballkani arriti të menaxhojë situatën në ndeshjen e kthimit kundër BATE Borisov, duke pësuar humbje të ngushtë 1:0, e cila ia mundësoi kualifikimin në fazën e grupeve. 🔝
🤝 Ky sukses është rezultat i punës së palodhshme të secilit futbollist, stafit të trajnerëve në krye me Ilir Dajën dhe drejtuesve të klubit që kanë investuar në ndërtimin e një skuadre të fortë dhe kompakte për arenën evropiane. 🤜🤛
📣 Uroj tifozët ‘Xhebrailat’ për këtë sukses të klubit të tyre të zemrës, qytetarët e Suharekës dhe në përgjithësi të Kosovës, të cilët i dhanë forcë shtesë FC Ballkanit në edicionin e sivjetmë të garave evropiane! 🙌🔶
🌍 Ky është një sukses jo vetëm për qytetin e Suharekës, por për të gjithë Kosovën dhe të gjithë ata që mbështetën kampionin tonë me zemër dhe pasion! 🇽🇰❤️
🫶 Tani presim me padurim fazën e grupeve, ku shpresojmë që FC Ballkani t’i sjellë edhe më shumë emocione, krenari e promovim futbollit tonë në skenën evropiane! 🌟⚽
Urime e ju priftë e mbara!
#BashkëPërFutbollin #FCBallkani #Kosova #UEFAConferenceLeague