I vendosin bombë nën veturë, momenti kur automjeti i ukrainasit që punonte për rusët në Zaporizhzhia hidhet në erë

Një punonjës në centralin bërthamor ukrainas Zaporizhzhia që kontrollohet nga rusët në jug të vendit, mbeti i vrarë të premten në mëngjes si pasojë e një bombe të vendosur në veturë nga inteligjenca ushtarake ukrainase që tha se ishte një përgjigje për “krimet e luftës”.

Komiteti Hetues i Rusisë, që trajton rastet e krimeve të rënda, tha se punonjësi Andrei Korotkiy humbi jetën në bombën e vendosur nën veturë që shpërtheu në afërsi të shtëpisë së tij në qytetin Enerhodar, transmeton Telegrafi.

Korotkiy kishte punuar në centralin bërthamor në departamentin e sigurisë, e nga inteligjenca ushtarake ukrainase janë publikuar pamjet e veturës së tij që shpërthen.

Ata thanë se Korotkiy ishte “kriminel lufte” dhe bashkëpunëtor i Rusisë – që akuzohej se i bënte presion ukrainase për t’ia dorëzuar rusëve listën e punonjësve të centralit bërthamor – duke tentuar më këtë lëvizje të shënjestroj ata që kishin këndvështrim pro Ukrainës.

“Inteligjenca ushtarake e Ukrainës ua rikujton të gjithëve njerëzve se çdo krim lufte do të ndëshkohet”, u tha nga inteligjenca ukrainase.
Video