Është bërë virale një video e 20 vjeçarit nga Gjakova, Ardit Nreca, i cili ka tërhequr edhe vëmendjen e divës së muzikës botërore, Jennifer Lopez.
Ai gjatë këtyre ditëve është shfaqur edhe në rrjetet sociale të artistes amerikane, ku vetëm në Instagram ndiqet nga 134 milionë ndjerëz, ndërsa në TikTok ka grumbulluar 12.1 milionë.
I riu nga Kosova, fans i zjarrtë i Lopez, publikoi një video në rrjetin social TikTok me sfidën #InTheMorningChallenge, ku kërcente këngën më të fundit të 51 vjeçares.
![](https://albaniannews.net/wp-content/uploads/2024/05/holiday-300x250-1.png")
Ylli i muzikës pop e pëlqeu mjaft shumë këtë kërcim të Nrecajt në TikTok, meqë videoja më pas u shpërnda në faqen e saj zyrtare, e po ashtu edhe në llogarinë personale Instagram.
Pas videos së Arditit, J.Lo hapi këtë sfidë të kërcimit në Instagram e TikTok, duke e etiketuar edhe të riun, nga i cili u frymëzua dhe nisi gjithë kjo.
“Që kur mbretëresha ka pëlqyer vallëzimin tim në TikTok për #InTheMorning, mendova se duhet ta publikoja edhe këtu”, ka shkruar Nreca në postimin e ndarë në Instagram.
Një koment krahas videos nuk mungoi as nga Jennifer duke shtuar, “E dua këtë zemër”
![](https://albaniannews.net/wp-content/uploads/2024/05/Walone.jpg")
Kush është Ardit Nreca?
Ardit Nreca është momentalisht 20 vjeçar, i lindur dhe rritur në Gjakovë.
Ai ka filluar të merret me muzikë e vallëzim që nga mosha tetë vjeçe. Është fans i madh i Jennifer Lopez që nga mosha shumë e vogël, rreth gjashtë vjeç.
