Mërgim Berisha e dëshiron dyfishin e rrogës që merr te Fenerbahce nëse transferohet në Leeds United

Mërgim Berisha është bërë objektiv i klubeve të njohura pas vendimi të Fenerbahçes për ta shitur atë. Sulmuesi kosovar nuk e tregoi veten sa duhet në Turqi, prandaj klubi nga Stambolli është duke pritur oferta për të.

Leeds United së fundmi shprehu interesim për përfaqësuesin U-21 të Gjermanisë duke i ofruar 2 milionë euro. Mirëpo, klubi turk i kërkon 5 milionë euro për kartonin e sulmuesit, shkruajnë mediat turke.

Ndërkohë, edhe vetë 24 vjeçari ka kërkesa ekstra për t’u transferuar në klubin nga Premierliga, ku ka kërkuar dyfishin e rrogës që merr në Turqi.

Aktualisht, ai paguhet rreth 1,5 milionë euro në vit tek Fenerbahçe. E për t’u transferuar në “Elland Road”, Berisha e kërkon rrogën prej 3 milionë eurosh.

Për ta transferuar Berishën në Leeds po insiston trajneri i këtij ekipi, Jesse Marsch, me të cilin lojtari kishte punuar në kohën kur luante në Salzburg, e ku trajner ishte pikërisht trajneri aktual i klubit anglez.

Përpos Leedsit, Berishën e duan edhe në Gjermani, mbi të gjitha Stuttgarti e Mainzi. Ditët në vijim pritet të mësohet zyrtarisht e ardhmja e sulmuesit me origjinë shqiptare.

Mërgim Berisha është bërë objektiv i klubeve të njohura pas vendimi të Fenerbahçes për ta shitur atë. Sulmuesi kosovar nuk e tregoi veten sa duhet në Turqi, prandaj klubi nga Stambolli është duke pritur oferta për të.

Leeds United së fundmi shprehu interesim për përfaqësuesin U-21 të Gjermanisë duke i ofruar 2 milionë euro. Mirëpo, klubi turk i kërkon 5 milionë euro për kartonin e sulmuesit, shkruajnë mediat turke.

Ndërkohë, edhe vetë 24 vjeçari ka kërkesa ekstra për t’u transferuar në klubin nga Premierliga, ku ka kërkuar dyfishin e rrogës që merr në Turqi.

Aktualisht, ai paguhet rreth 1,5 milionë euro në vit tek Fenerbahçe. E për t’u transferuar në “Elland Road”, Berisha e kërkon rrogën prej 3 milionë eurosh.

Për ta transferuar Berishën në Leeds po insiston trajneri i këtij ekipi, Jesse Marsch, me të cilin lojtari kishte punuar në kohën kur luante në Salzburg, e ku trajner ishte pikërisht trajneri aktual i klubit anglez.

Përpos Leedsit, Berishën e duan edhe në Gjermani, mbi të gjitha Stuttgarti e Mainzi. Ditët në vijim pritet të mësohet zyrtarisht e ardhmja e sulmuesit me origjinë shqiptare.