Ministri i Punëve të Brendshme të Kosovës ka një thirrje për të gjithë qytetarët

Në vijim keni apelin e ministrit të Ministrisë së Punëve të Brendshme, z.Agim Veliu, drejtuar qytetarëve të Republikës së Kosovës për të respektuar rekomandimet e ekspertëve mjekësorë për zbatimin e masave për ndalimin e përhapjes së koronavirusit, me qëllim të ruajtjes së shëndetit publik.

“E tërë Qeveria e Republikës së Kosovës, dhe unë si Ministër i Brendshëm i saj, po punojmë me përkushtim të jashtëzakonshëm për ta menaxhuar situatën e krijuar si pasojë e pandemisë. Duke qenë qeveri e një vendi demokratik, ne nuk duam të përdorim mundësinë që na jep ligji për të vendosur diktat ndaj qytetarëve të vendit tonë.

Përkundrazi, ne po punojmë për vetëdijesimin dhe vetë-disiplinë të qytetarëve, pasi që besojmë fuqishëm se tanimë duhet të mësohemi të jetojnë me COVID-19, ashtu siç po veprohet edhe në vendet tjera anë e kënd globit. Megjithatë, sjelljet e papërgjegjshme të një numri të vogël të qytetarëve nuk do të lejohen ta dëmtojnë shëndetin e shumicës së qytetarëve, sjellje këto krejtësisht të papërgjegjshme karshi situatës në të cilën ndodhemi. Nuk mundemi, nuk duhet dhe nuk do të lejojmë që shkaku i disa sjelljeve të tilla të rrezikohet suksesi ynë i përbashkët si shoqëri dhe si shtet për menaxhimin e pandemisë. Institucionet ligj-zbatuese të Republikës së Kosovës do t’i përgjigjen çdo përpjekjeje, qoftë edhe të paqëllimshme, për ta sfiduar luftën e specialistëve shëndetësorë në betejën kundër koronavirusit.

Si ministër i brendshëm, Ministria, dhe besoj e tërë qeveria dhe të gjitha institucionet e përfshira në betejën për ta kaluar me sa më pak dëme këtë pandemi, jemi në shërbim të plotë të ekspertëve shëndetësorë për dhe në të mirën e qytetarëve. Me ndihmën e të gjithë ne të tjerëve, stafi mjekësor, me dijen dhe përvojën e tyre profesionale, po na udhëheqin në luftën kundër një kërcënim serioz dhe krejtësisht të paparashikueshëm. Prandaj, edhe ju qytetarë të dashur, duhet t’i bashkoheni kësaj beteje, duke dëgjuar me vëmendje dhe duke zbatuar me ndërgjegje rekomandimet e ekspertëve të fushës. Pasi që rekomandimet tanimë janë bërë të obligueshme, e që kanë të bëjnë me ruajtjen e shëndetit publik të qytetarëve të Kosovës, ne si institucione përgjegjëse, detyrohemi të përdorim mekanizmat përkatëse për zbatimin e plotë të tyre.

Duke i zbatuar ato sot, ne parandalojmë mbylljen totale si shoqëri, pasi që dëmet e një mbylljeje të tillë, që shkaktoi izolim dhe bllokim, veçse i kemi provuar dhe nuk do të ishte e udhës t’i përsërisim. Prandaj, edhe një herë apeloj dhe kërkoj nga ju të respektoni rekomandimet e që mos të detyrohemi të imponojmë zbatimin e tyre përmes forcës së ligjit”, thuhet në apelin e ministrit të Punëve të Brendshme, z. Agim Veliu.

Në vijim keni apelin e ministrit të Ministrisë së Punëve të Brendshme, z.Agim Veliu, drejtuar qytetarëve të Republikës së Kosovës për të respektuar rekomandimet e ekspertëve mjekësorë për zbatimin e masave për ndalimin e përhapjes së koronavirusit, me qëllim të ruajtjes së shëndetit publik.

“E tërë Qeveria e Republikës së Kosovës, dhe unë si Ministër i Brendshëm i saj, po punojmë me përkushtim të jashtëzakonshëm për ta menaxhuar situatën e krijuar si pasojë e pandemisë. Duke qenë qeveri e një vendi demokratik, ne nuk duam të përdorim mundësinë që na jep ligji për të vendosur diktat ndaj qytetarëve të vendit tonë.

Përkundrazi, ne po punojmë për vetëdijesimin dhe vetë-disiplinë të qytetarëve, pasi që besojmë fuqishëm se tanimë duhet të mësohemi të jetojnë me COVID-19, ashtu siç po veprohet edhe në vendet tjera anë e kënd globit. Megjithatë, sjelljet e papërgjegjshme të një numri të vogël të qytetarëve nuk do të lejohen ta dëmtojnë shëndetin e shumicës së qytetarëve, sjellje këto krejtësisht të papërgjegjshme karshi situatës në të cilën ndodhemi. Nuk mundemi, nuk duhet dhe nuk do të lejojmë që shkaku i disa sjelljeve të tilla të rrezikohet suksesi ynë i përbashkët si shoqëri dhe si shtet për menaxhimin e pandemisë. Institucionet ligj-zbatuese të Republikës së Kosovës do t’i përgjigjen çdo përpjekjeje, qoftë edhe të paqëllimshme, për ta sfiduar luftën e specialistëve shëndetësorë në betejën kundër koronavirusit.

Si ministër i brendshëm, Ministria, dhe besoj e tërë qeveria dhe të gjitha institucionet e përfshira në betejën për ta kaluar me sa më pak dëme këtë pandemi, jemi në shërbim të plotë të ekspertëve shëndetësorë për dhe në të mirën e qytetarëve. Me ndihmën e të gjithë ne të tjerëve, stafi mjekësor, me dijen dhe përvojën e tyre profesionale, po na udhëheqin në luftën kundër një kërcënim serioz dhe krejtësisht të paparashikueshëm. Prandaj, edhe ju qytetarë të dashur, duhet t’i bashkoheni kësaj beteje, duke dëgjuar me vëmendje dhe duke zbatuar me ndërgjegje rekomandimet e ekspertëve të fushës. Pasi që rekomandimet tanimë janë bërë të obligueshme, e që kanë të bëjnë me ruajtjen e shëndetit publik të qytetarëve të Kosovës, ne si institucione përgjegjëse, detyrohemi të përdorim mekanizmat përkatëse për zbatimin e plotë të tyre.

Duke i zbatuar ato sot, ne parandalojmë mbylljen totale si shoqëri, pasi që dëmet e një mbylljeje të tillë, që shkaktoi izolim dhe bllokim, veçse i kemi provuar dhe nuk do të ishte e udhës t’i përsërisim. Prandaj, edhe një herë apeloj dhe kërkoj nga ju të respektoni rekomandimet e që mos të detyrohemi të imponojmë zbatimin e tyre përmes forcës së ligjit”, thuhet në apelin e ministrit të Punëve të Brendshme, z. Agim Veliu.