Ka përfunduar ndeshja në mes Koresë së Jugut – Ganës.
Gana mposhti 3:2 Korenë, në ndeshjen e vlefshme për grupe të Kupës së Botës.
Ndeshjen më mirë e nisën koreanët, duke krijuar raste të mira shënimi, por më konkret ishin ganezët.
Në dy tentime drejt portës, shënuan dy gola.
Fillimisht ishte Salisu që në minutën e 24` i dha epërsinë Ganës.
Mirëpo, ata nuk u ndalën me aq, pasi shënuan edhe golin e dytë.
Po zhvillohej minuta e 34` kur Kudus dyfishoi rezultatin.
Pjesa e parë u mbyll 2:0 në favor të ganezëve.
Pjesa e dytë ishte më e zjarrtë, pasi u shënuan edhe tri gola të tjera.
Koreanët ishin ata që brenda tre minutash shënuan dy herë me Gue-sung, fillimisht në minutën 58`, më pas në 61`.
Por, ganezët nuk u dorëzuan pas atij barazimi, pasi shënuan edhe një herë.
Po rridhte minuta e 68` kur Kudus i dha epërsinë përsëri ganezëve.
Me këtë fitore Gana pozicionohet në vendin e dytë me tri pikë.
Ndërsa, Koreja e Jugut gjendet në vendin e katërt me vetëm një pikë dhe i vështirësohen punët për kualifikim tutje./Lajmi.net/