Neuer tregon arsyen pse dështuan Mbappe e Neymar të shënonin kundër tij

Manuel Neuer sonte pati një paraqitje fantastike duke bërë disa pritje të mëdha

Bayern Munich fitoi 1-0 në finale kundër PSG-së dhe kështu festoi titullin e gjashtë në histori të Ligës së Kampionëve, shkruan Reporteri.net

Neuer ishte njëri nga më meritorët me disa pritje që bëri duke ia mohuar golat Mbappes dhe Neymarit.

Ai gjithashtu bëri një pritje fantastike edhe në rastin e Marquinhos.

Pas ndeshjes portieri gjerman foli për triumfin e skuadrës së tij dhe mënyrën se si e ndalën sulmin e frikshëm të PSG-së.

“Vështirë të arrihet ajo që bëmë. Ishte një mbrëmje e jashtëzakonshme, ishin 90 minuta shumë të ngushta, por në fund të fundit merituam fitoren,” ka thënë Neuer.

“Kjo është një ëndërr që realizohet! PSG ka disa lojtarë shumë të forte në sulm, mbase ata kishin vështirësi në ndërtimin e lojës sepse ne shtypnim fort dhe ushtronim presing. Ishim më të qetë sepse po luanim ashtu siç donim”.

“Paraqitja më e mirë në karrierë? Nuk e di, por kam luajtur vërtet mirë”.

“Flick ka merita të mëdha, kemi punuar shumë mirë së bashku. Ai e rindërtoi ekipin, ishte ilaç për ne. E jashtëzakonshme ajo që ai arriti të bëjë,”.