Përfundon xhiroja e fundit në Superligën e Kosovës | Gjilani në Evropë, Trepça’89 në Ligën e Parë e Ferizaj në play-off

Me xhiron e fundit të zhvilluar sot, ka përfunduar sezoni 2022/23 në Superligën e Kosovës, ku ndeshjet e zhvilluara ishin vendimtare për katër skuadra.

Gjilani barazoi me Ballkanin për të kapur vendin e fundit që dërgon në gara evropiane, Ferizaj e mposhti 1:0 Dukagjinin për të siguruar ndeshjen e play-offit, ndërsa Trepça’89 u mposht nga Prishtina dhe kështu bie në Ligën e Parë.

Dukagjini nuk arriti të kap një vend për gara evropiane edhe pse bëri një sezon shumë të mirë, duke përfunduar në pozitën e katërt.

Ferizaj – Dukagjini

Ferizaj ka siguruar play-offin me fitoren e sotme ndaj Dukagjini me rezultat 1:0.

Ishte Bujar Shabani që shënoi në minutën e 14-të për golin e vetëm në ndeshje.

Kështu ferizajasit do të takohen me Lirinë në ndeshjen vendimtare se cila nga skuadrat do të jetë në Superligë sezonin e ardhshëm.

Trepça’89 – Prishtina

Mitrovicasit pësuan humbje 1:0 nga Prishtina, kështu duke rënë në Ligën e Parë prej pozitës së parafundit.

Goli i vetëm i takimit u shënua nga Leotrim Kryeziu në minutën e 39-të.

Kryeqytetasit ndonëse nuk arritën përmes Superligës, ata do ta kenë mundësinë më 5 qershor ta arrijnë Evropën, ku në finale të Kupës së Kosovës përballet me Gjilanin.

Gjilani – Ballkani

Gjilani ishte si vendas, por me marrëveshje ndeshja u zhvillua në Suharekë, dhe përfundoi me rezultat të kënaqshëm për ‘vendasit’.

Ballkani veçse ishte shpallur kampion dhe kjo ndeshje nuk kishte ndonjë rëndësi për ta, ndërsa Skifterët me vetëm një pikë nga ky takim do ta siguronin vendin për gara evropiane dhe kështu ndodhi. Takimi përfundoi 0:0 në Suharekë.

Në takimet tjera, Drenica u mposht nga Drita me rezultat 3:1, ndërsa Malisheva fitoi 3:2 ndaj Llapit, me skuadrat që nuk pretendonin asgjë.

Me xhiron e fundit të zhvilluar sot, ka përfunduar sezoni 2022/23 në Superligën e Kosovës, ku ndeshjet e zhvilluara ishin vendimtare për katër skuadra.

Gjilani barazoi me Ballkanin për të kapur vendin e fundit që dërgon në gara evropiane, Ferizaj e mposhti 1:0 Dukagjinin për të siguruar ndeshjen e play-offit, ndërsa Trepça’89 u mposht nga Prishtina dhe kështu bie në Ligën e Parë.

Dukagjini nuk arriti të kap një vend për gara evropiane edhe pse bëri një sezon shumë të mirë, duke përfunduar në pozitën e katërt.

Ferizaj – Dukagjini

Ferizaj ka siguruar play-offin me fitoren e sotme ndaj Dukagjini me rezultat 1:0.

Ishte Bujar Shabani që shënoi në minutën e 14-të për golin e vetëm në ndeshje.

Kështu ferizajasit do të takohen me Lirinë në ndeshjen vendimtare se cila nga skuadrat do të jetë në Superligë sezonin e ardhshëm.

Trepça’89 – Prishtina

Mitrovicasit pësuan humbje 1:0 nga Prishtina, kështu duke rënë në Ligën e Parë prej pozitës së parafundit.

Goli i vetëm i takimit u shënua nga Leotrim Kryeziu në minutën e 39-të.

Kryeqytetasit ndonëse nuk arritën përmes Superligës, ata do ta kenë mundësinë më 5 qershor ta arrijnë Evropën, ku në finale të Kupës së Kosovës përballet me Gjilanin.

Gjilani – Ballkani

Gjilani ishte si vendas, por me marrëveshje ndeshja u zhvillua në Suharekë, dhe përfundoi me rezultat të kënaqshëm për ‘vendasit’.

Ballkani veçse ishte shpallur kampion dhe kjo ndeshje nuk kishte ndonjë rëndësi për ta, ndërsa Skifterët me vetëm një pikë nga ky takim do ta siguronin vendin për gara evropiane dhe kështu ndodhi. Takimi përfundoi 0:0 në Suharekë.

Në takimet tjera, Drenica u mposht nga Drita me rezultat 3:1, ndërsa Malisheva fitoi 3:2 ndaj Llapit, me skuadrat që nuk pretendonin asgjë.