Skënderbeu tek meshkujt e Skenderaj te femrat triumfojnë

Skënderbeu ka mposhtur Lubotenin, të enjten mbrëma, në një përballje interesante në Ferizaj, në kuadër të xhiros së 19 në Superligën A, meshkujt.

Ekipi nga Kraishta triumfoi me rezultat 0-3 (18-25, 23-25, 21-25), në një paraqitje bindëse.

Me këtë fitore, Skënderbeu grumbullon 33 pikë dhe zë pozitën e tretë në renditjen tabelare, me katër pikë më pak se vendi i dytë, Ferizaj.

Në anën tjetër, Luboteni grumbullon 10 pikë nga 19 ndeshje të luajtura dhe zë pozitën e fundit.

Skënderaj fiton kundër M-Technologie

Skënderaj ka mposhtur M-Technologien në ndeshjen e vlefshme për xhiron e 19 të Superligës A, femrat, të enjten mbrëma.

Ekipi i drejtuar nga Ylli Kadriu regjistroi fitore të pastër kundër vashave prishtinase, me rezultat 3-0 (25-14,26-24,25-21).

Ishte një ndeshje e dominuar nga nikoqiret, siç nënvizohet edhe nga rezultati, me mysafiret që rezistencën më të fortë e treguan në setin e dytë.

Pas kësaj fitore, Skenderaj grumbullon 46 pikë dhe zë pozitën e dytë, ndërsa M-Technologie mbetet në kuotën e 21 pikëve në vendin e katërt.