Spanja u kualifikua në finalen e Eurobasket 2022 pasi mposhtën sonte në Berlin në gjysmëfinalen e dytë ekipin vendas të Gjermanisë me rezultat 96:91.
Që në fillim të ndeshjes u luajt fort dhe asnjëra skuadër nuk pati një avantazh të dukshëm. Vetëm në fund të çerekut të parë spanjollët kryesuan me gjashtë pikë.
![](https://albaniannews.net/wp-content/uploads/2024/05/Walone.jpg")
Spanja pati një avantazh prej nëntë pikësh për një kohë të gjatë në çerekun e dytë dhe më pas pasoi një ecuri fenomenale e Gjermanisë, e cila përmbysi rezultatin dhe kaloi në epërsi në pjesën e parë me rezultat 51:46.
DENNIS THE MENACE WITH 28 PTS IN 25 MINS.#EuroBasket x #BringTheNoise
📺 https://t.co/XA74VljBO4 pic.twitter.com/Ho5VaP0Vzy
— #EuroBasket 2022 (@EuroBasket) September 16, 2022
![](https://albaniannews.net/wp-content/uploads/2024/04/300x250.jpg")
Në mesin e çerekut të tretë, Spanja rikthehet sërish në këtë ndeshje jashtëzakonisht interesante, por Gjermania shton gazin dhe para çerekut të fundit kishte një avantazh prej gjashtë pikësh.
Megjithatë, në çerekun e fundit ndodhi një kthesë e re spektakolare, këtë herë nga spanjollët. Gjermanët u bllokuan plotësisht, ndaj nikoqirëve të turneut iu desh të zgjasin dorën dhe të uronin spanjollët për fitoren.
Më i miri për spanjollët ishte Lorenzo D’ontez Brown me 29 pikë dhe 6 asistime, ndërsa Willy Hernangomez shënoi 16 pikë. Dennis Schroder ishte më i miri për Gjermaninë me 30 pikë dhe tetë asistime.
Në finalen e Eurobasket 2022, Spanja do të luajë kundër Francës. Finalja do të luhet të dielën në Berlin me fillim nga ora 20:30.
The love and respect between hoopers is unparalleled ❤️#EuroBasket x #BringTheNoise pic.twitter.com/YIoOMFccGc
— #EuroBasket 2022 (@EuroBasket) September 16, 2022
