Fondi i Kursimeve Pensionale të Kosovës ka njoftuar se aplikimi për tërheqjen e 10 përqind të kursimeve, do të jetë i mundur për një periudhë rreth 4 muaj, shkruan Gazeta Metro.
Trust përmes një njoftimi për media ka thënë se qytetarët nuk duhet të brengosen nëse nuk mund të aplikojnë në ditët e para dekretimit.
“Për aplikim janë në dispozicion 4 muaj. Prandaj, mos u brengosni nëse nuk mund të aplikoni që në ditët e para pas dekretimit.”, thuhet në këtë njoftim.
Komunikata e plotë:
![](https://albaniannews.net/wp-content/uploads/2024/05/holiday-300x250-1.png")
Të nderuar kontribuues,
Tërheqja prej 10% është dekretuar sot, si pjesë e ligjit për rimëkëmbjen ekonomike.
Aplikimi për tërheqje të 10% do të bëhet vetëm ONLINE dhe përmes një faqeje të veçantë interneti.
Pra, nuk keni nevojë që tani të krijoni qasje në eTrusti.
Adresa e faqes së veçantë të internetit për aplikim të tërheqjes 10% dhe detajet tjera do të publikohen ditëve në vijim.
Për aplikim janë në dispozicion 4 muaj. Prandaj, mos u brengosni nëse nuk mund të aplikoni që në ditët e para pas dekretimit./gazetametro.net
