Tashmë është publikuar një video që tregon momentin kur 15 punonjës të ndihmës së parë u vranë muajin e kaluar në Gaza – duke treguar qartë se ambulancat dhe veturat e zjarrfikësve ishin të dukshme kur trupat izraelite hapën zjarr në drejtim të tyre.
Trupat e 15 punonjësve të ndihmës – tetë mjekë që punonin për Shoqatën e Kuqit të Palestinës (PRCS), gjashtë anëtarë të mbrojtjes civile dhe një punonjës i Kombeve të Bashkuara – u gjetën në një “varr masiv” pas incidentit, sipas kreut të Zyrës së OKB-së për Koordinimin e Çështjeve Humanitare, Jonathan Whittall.
![](https://albaniannews.net/wp-content/uploads/2025/01/elbaugjilan.jpg")
PRCS e përshkroi “vrasjen e punonjësve të ndihmës” nga trupat izraelite si një “krim lufte”.
Ushtria izraelite përmes një deklarate para publikimit të videos kishin njoftuar se trupat hapën zjarr ndaj mjeteve që nuk kishin drita para ose sinjalizime emergjente.
![](https://albaniannews.net/wp-content/uploads/2025/03/TEB_Hipotekare_300x250-1.jpg")
PRCS e përshkroi “vrasjen e punonjësve të ndihmës” nga trupat izraelite si një “krim lufte”.
Ushtria izraelite përmes një deklarate para publikimit të videos kishin njoftuar se trupat hapën zjarr ndaj mjeteve që nuk kishin drita para ose sinjalizime emergjente.
New video shows Gaza paramedics under fire, found on the phone of one of 15 aid workers later buried in a mass grave.https://t.co/aypNWxx2JT pic.twitter.com/AJ6PGB3wg9
— Sky News (@SkyNews) April 5, 2025
![](https://albaniannews.net/wp-content/uploads/2024/05/Walone.jpg")
Por, pamjet e videos që siguroi The New York Times – dhe që u verifikuan nga Sky News – shfaqin ambulancat dhe automjetin e zjarrfikësve me drita të ndritshme të kuqe.
Sky News përdori video të pasojave dhe imazhe satelitorë për të verifikuar vendndodhjen dhe kohën e xhirimit. Ajo është filmuar më 23 mars, në veri të Rafah. Videoja duket se është filmuar nga njëri prej punonjësve të ndihmës në orët e para të mëngjesit.
Ndryshe, llogaritet se mbi 400 punonjës të ndihmës së parë janë vrarë në Gaza që nga fillimi i luftës Izrael-Hamas.
Sipas OKB-së, të paktën 1060 punonjës shëndetësorë janë vrarë në 18 muajt që nga nisja e ofensivës izraelite në Gaza pas sulmit të luftëtarëve të Hamasit në jug të Izraelit më 7 tetor 2023.
Autoritetet shëndetësore palestineze thonë se më shumë se 50 mijë persona janë vrarë që nga nisja e fushatës izraelite në Gaza në përgjigje të sulmit të 7 tetorit, kur luftëtarët e Hamasit kaluan kufirin në jug të Izraelit, duke vrarë më shumë se 1200 njerëz dhe duke marrë rreth 250 pengje.
