Vdes edhe personi i dytë nga incidenti me armë zjarri në Podujevë

Ka vdekur edhe personi i dytë nga përleshja me armë që ndodhi sot gjatë ditës në Podujevë.

Pas vrasjes së 33-vjeçarit S.A, ka vdekur edhe personi i plagosur R.SH 65-vjeçar.

Dyshohet se dorasi ka shtënë prej shtëpisë së tij në drejtim të viktimës dhe të vëllaut të tij.

Por familjarët prapa kamerës i kanë thënë televizionit që motivi i kësaj vrasje është kjo tokë që R,Sh thotë se është e tij.

Kjo pronë është bërë shkak që ai të merrte automatikun në dorë e të shtinte në drejtim të fqinjëve.

E pasi që vrau njërin e plagosi tjetrin R. Sh iku në drejtim të maleve.

Në kërkim të tij ishin vënë një numër i madh i policëve.

Pas rreth një orë kërkimi ata zbritën por pa rezultate.

Teksa familjarët e viktimës ishin mbledhur para shtëpisë të prisnin se a po zihej dorasi ata kishin edhe shqetësimin tjetër.

Njëri ndër djemtë e shtëpisë, vëllai i S. A i shpëtoi plagëve.

Ai u dërgua në Qendrën Klinike Universitare të Kosovës, sipas mjekut kujdestar gjendja e tij është rendê

Nuk dihet nëse palët kanë pasur mos pajtime mes vete më herët.