Kurti flet për përplasjen me Vuçiqin: Ja çfarë refuzoi presidenti serb – jep një paralajmërim të fuqishëm

Kryeministri i Kosovës, Albin Kurti, përmes një shkrimi në Facebook, ka folur lidhur me takimin e dytë me presidentin serb, Aleksandër Vuçiq, të mbajtur sot në Bruksel.

Kurti ka shkruar se në takimin e sotëm me presidentin serb Aleksandër Vuçiq, këtij të fundit ia ka ofruar tri libra që flasin për gratë e përdhunuara gjatë luftës, listën e 1.113 fëmijëve të vrarë dhe “Dosjen Britanike”, për dëbimin e shqiptarëve nga Sanxhaku i Nishit.

Kurti gjithashtu ka treguar se Vuçiq asnjërin nga to nuk e pranoi, duke theksuar se “është për të ardhur keq që nuk arritëm të dalim së paku me një deklaratë të përbashkët nga ky takim”.

Në fund Kurti ka potencuar se do të vazhdojnë të jenë të përkushtuar për paqe dhe drejtësi, për siguri dhe stabilitet, për demokraci dhe progres, por paralajmëron se do të jenë të gatshëm për takime e biseda tjera me palën serbe.

Ja shkrimi i tij:

Në takimin e dytë me delegacionin e Serbisë në Bruksel, sot ofruam një Deklaratë të Paqes me gjashtë nene, të balancuar dhe në gjuhën angleze, e cila flet për zotimin për mossulmim të njëri-tjetrit dhe për reciprocitet të të drejtave. Po ashtu, ofruam edhe dëshmi të 11 shkeljeve që i bën Serbia ndaj Kosovës përmes barrierave kundër tregtisë së lirë e që do të duhej të eliminoheshin. U refuzuan të dyja këto.

Për dallim nga ndërmjetësi Josep Borrell, kryetari i Serbisë nuk i mori tre librat që ia dhashë: rrëfime të grave të përdhunuara në Kosovë gjatë luftës, listën e 1.133 fëmijëve të vrarë prej të cilëve 109 janë ende të pagjetur, dhe librin “Dosja Britanike” për dëbimin e shqiptarëve nga Sanxhaku i Nishit.

Është për të ardhur keq që nuk arritëm të dalim së paku me një deklaratë të përbashkët nga ky takim. Shkaku ishte që delegacioni serb nuk pranoi futjen në tekst të togfjalëshit “ballafaqimi me të kaluarën”.

Serbia si shtet ka ardhur në mesin e popullsisë shqiptare me gjenocid dhe ka ikur me gjenocid. Mosnjohja e së kaluarës së saj kriminale dhe mosnjohja e pavarësisë së Kosovës janë të lidhura ngusht.

Ne vazhdojmë të jemi të përkushtuar për paqe dhe drejtësi, për siguri dhe stabilitet, për demokraci dhe progres. Do të jemi të gatshëm për takime e biseda konstruktive, dhe për dallim nga fqinji ynë verior nuk kemi dilema sa i përket integrimeve evropiane dhe euro-atlantike.

Kryeministri i Kosovës, Albin Kurti, përmes një shkrimi në Facebook, ka folur lidhur me takimin e dytë me presidentin serb, Aleksandër Vuçiq, të mbajtur sot në Bruksel.

Kurti ka shkruar se në takimin e sotëm me presidentin serb Aleksandër Vuçiq, këtij të fundit ia ka ofruar tri libra që flasin për gratë e përdhunuara gjatë luftës, listën e 1.113 fëmijëve të vrarë dhe “Dosjen Britanike”, për dëbimin e shqiptarëve nga Sanxhaku i Nishit.

Kurti gjithashtu ka treguar se Vuçiq asnjërin nga to nuk e pranoi, duke theksuar se “është për të ardhur keq që nuk arritëm të dalim së paku me një deklaratë të përbashkët nga ky takim”.

Në fund Kurti ka potencuar se do të vazhdojnë të jenë të përkushtuar për paqe dhe drejtësi, për siguri dhe stabilitet, për demokraci dhe progres, por paralajmëron se do të jenë të gatshëm për takime e biseda tjera me palën serbe.

Ja shkrimi i tij:

Në takimin e dytë me delegacionin e Serbisë në Bruksel, sot ofruam një Deklaratë të Paqes me gjashtë nene, të balancuar dhe në gjuhën angleze, e cila flet për zotimin për mossulmim të njëri-tjetrit dhe për reciprocitet të të drejtave. Po ashtu, ofruam edhe dëshmi të 11 shkeljeve që i bën Serbia ndaj Kosovës përmes barrierave kundër tregtisë së lirë e që do të duhej të eliminoheshin. U refuzuan të dyja këto.

Për dallim nga ndërmjetësi Josep Borrell, kryetari i Serbisë nuk i mori tre librat që ia dhashë: rrëfime të grave të përdhunuara në Kosovë gjatë luftës, listën e 1.133 fëmijëve të vrarë prej të cilëve 109 janë ende të pagjetur, dhe librin “Dosja Britanike” për dëbimin e shqiptarëve nga Sanxhaku i Nishit.

Është për të ardhur keq që nuk arritëm të dalim së paku me një deklaratë të përbashkët nga ky takim. Shkaku ishte që delegacioni serb nuk pranoi futjen në tekst të togfjalëshit “ballafaqimi me të kaluarën”.

Serbia si shtet ka ardhur në mesin e popullsisë shqiptare me gjenocid dhe ka ikur me gjenocid. Mosnjohja e së kaluarës së saj kriminale dhe mosnjohja e pavarësisë së Kosovës janë të lidhura ngusht.

Ne vazhdojmë të jemi të përkushtuar për paqe dhe drejtësi, për siguri dhe stabilitet, për demokraci dhe progres. Do të jemi të gatshëm për takime e biseda konstruktive, dhe për dallim nga fqinji ynë verior nuk kemi dilema sa i përket integrimeve evropiane dhe euro-atlantike.