Ende mbahen mend lotët e Messit, sot një vit u nda më Barcelonën

Blaugrana ende nuk e ka kapërcyer vuajtjen e largimit të tij dhe shpresojnë që ai të rikthehet më 2023

E premte, 5 gusht shënon përvjetorin më të dhimbshëm për tifozët e Barcelonës. Saktësisht para një viti, Marca kishte shkruar së Lionel Messi, përkundër parashikimeve, do të largohet nga Camp Nou për shkak të vështirësive financiare.

Një vit më vonë, tifozët e klubit katalunas ende shprehin keqardhje për largimin e tij, por nuk e përjashtojnë rikthimin e mundshëm të legjendës së klubit, për t’i dhënë atij një përshëndetje speciale.

Më 5 gusht 2021, Marca raportonte që Messi nuk do të vazhdojmë më me klubin e tij të fëmijërisë, pavarësisht raporteve që ai kishte zgjedhur për të rinovuar.

Pas disa javë diskutime në mes të dy palëve, klubi e kishte informuar lojtarin më të mirë të tyre në të gjitha kohërat që ata nuk mund të rinovonin më kontratën e tij.

Messi pranoi tri ditë më vonë në një konferencë lamtumirëse së ky lajm e kishte shokuar.

“Është momenti më i vështirë në karrierën time sportive”, theksoi Messi.

“Kur ata me thanë, isha i ngrirë. Ishte një dush i ftohtë. Kam pasur momente shumë të vështira, por ky…”.

“Jam mërzitur shumë, nuk e kam pritur. Ndjej trishtim dhe ende nuk pajtohem më të”.

“Nuk e di për Barcelonën, por unë kam bërë gjithçka për të vazhduar. Kam ulur pagën për gjysmë. Dua të qendrojë”.

“Vitin e kaluar e kisha vendosur, jo edhe këtë vit. Askush nuk me kërkojë më për asgjë. Nuk mund të bëhej. Gjithçka ishte rregulluar, por për shkak të një problemi me La Liga nuk u krye. Klubi ka shumë borxhe të mëdha dhe nuk dëshiron të hyjë në borxhe të tjera”.

Barcelona nuk mundej, për shkak të rrethanave të vështira ekonomike, ta mbante sulmuesin.

Laliga nuk e lejonte, shifrat nuk përputheshin. Barcelona u desh ti thotë lamtumirë yllit të tyre, i cili kaloi tërë karrierën profesionale dhe fitoi 35 tituj me klubin. Makthi i tyre më i keq i mundur u bë realitet.

Sot, shumë gjëra kanë ndryshuar si për Barcelonën ashtu edhe për Messi, i cili tani luan për Paris Saint-Germain. Nuk duket lehtë, por ka një mundësi që rrugët e tyre të kryqëzohen përsëri.

Marrëdhëniet e Messi me Joan Laporta dhe bordin e tij nuk janë shumë të mira, por tifozët janë gëzuar nga komentet e presidentit të tyre javën e kaluar.

“Është një aspirate që unë e kam pasur si president dhe do të dëshiroj të ndodh”, tha Laporta për kthimin e mundshëm të Messi.

“Pjesërisht jam përgjegjës për këtë fund, por e konsideroj të përkohshëm atë”.

“Koha e Messit në Barcelonë nuk përfundoi ashtu sikurse ne kemi dashur, përfundoi për shkak të faktorëve ekonomik por ne kemi një borxh moral tek ai. Në kuptimin se ne dëshirojmë që ai ta përfundojë karrierën në Barcelonë”.

Messi ka nënshkruar me PSG deri në qershorin e vitit 2023, me opsion që të vazhdojë edhe për një sezon. Ai ka bërë 11 paraqitje për skuadrën franceze sezonin e kaluar, duke shënuar 11 gola.