Para pak sekondave ka përfunduar meçi për të gjitha titujt në kategorinë e rëndë në boks.
Fitues është shpallur, pas 12 rundeve Oleksandr Usyk.
Oleksandr Usyk e ka mposhtur për herë të dytë Anthony Joshuan, duke i mbrojtur kështu titujt e botës në peshën e rëndë në boks profesionist në versionet WBA, IBF, WBO dhe IBO.
JOSHUA held his own. But the better man won.
Skill beats power 9 out of 10 times.
Damn I love boxing.
USYK!!!!#boxingnbbq#boxing pic.twitter.com/2pumxR0Hwo
— BOXING n BBQ (@BOXINGnBBQ) August 20, 2022
![](https://albaniannews.net/wp-content/uploads/2024/05/holiday-300x250-1.png")
Sikur në meçin e parë në Londër, edhe kësaj radhe lëvizjet dhe teknika e Usykut nuk gjetën përgjigje nga Joshua.
Meçi i zhvilluar të shtunën mbrëma në Jeddah të Arabisë Saudite përfundoi me fitore me pikë për Usykun, me vendim të ndarë.
Derisa Joshua mbajti mesin e ringut dhe përqendrohej në goditje të fuqishme, kryesisht në trup. Usyk dha dukshëm më tepër goditje dhe lëvizte vazhdimisht nëpër ring.
![](https://albaniannews.net/wp-content/uploads/2024/05/Walone.jpg")
Joshua rundin më të mirë e pati rundin e nëntë kur e vuri në vështirësi ukrainasin Usyk.
Mirëpo, në rundin e dhjetë Usyk u kundërpërgjigj dhe i dha goditje të shumta britanikut.
Për Usykun është fitorja e 20-të në boksin profesionist nga po aq meçe, ndërsa Joshua ka pësuar humbjen e tretë në karrierën si profesionist, karshi 24 fitoreve.
Joshua për revanshin me Usykun kishte ndërruar stafin e trajnerëve, por nuk arriti të përballonte ukrainasin.
