Albanian News mëson se Ministria e Kulturës, Rinisë dhe Sporteve dhe Federata e Futbollit të Kosovës janë dakorduar, që të investohet në dy stadiume, me kushtet që i kërkon UEFA për kategorizimin e katërt.
Krahas zhvillimit të hovshëm të futbollit kosovar, adhuruesit e këtushëm po kërkojnë edhe stadiume më komode.
Deri më tani i vetmi stadium, i cili së paku në disa sektor i kënaq futbolldashësit është tempulli “Fadil Vokrri”. Stadiumi i kryeqytetit është në kategorinë e katërt, duke qenë i vetmi që i plotëson kushtet për zhvillimin e ndeshjeve ndërkombëtare.
Megjithatë vetëm sektori i tribunës perendimore është i mbuluar, derisa tifozët e vendosur në sektorët tjerë nuk e kanë komoditetin e njëjtë, duke u lagur në shi apo “rrëzitur” në kohën me diell.
![](https://albaniannews.net/wp-content/uploads/2024/05/holiday-300x250-1.png")
Megjithatë qytetet tjera as përsëafërmi nuk i plotësojnë ato kushte.
Albanian News mëson se Ministria e Kluturës, Rinisë dhe Sporteve ka rënë dakord për investimin e dy stadiumeve tjera drejt kategorizimit të katërt.
“Stadiumi ‘Përparim Thaçi” në Prizren dhe ai i Gjilanit, janë në prioritet të investimeve. Pritet shumë shpejt fillimi i procedurave për rregullimin e tyre”, thotë burimi në fjalë.
Më pas i njëjti burim shton se për stadiumin nacional duhet pritur ende. “Është menduar se pasi të fitojnë statusin e kategorisë së katërt stadiumet në Prizren e Gjilan, aty të zhvillohen edhe ndeshje ndërkombëtare. Andaj për një stadium nacional, që ka qenë i planifikuar më parë, duhet pritur”.
Albanian News më pas mëson se pas përfundimit të tyre, ngjashëm pritet të ndodh edhe në stadiumet tjera të qendrave kryesore të vendit.
