Vizita e Blinken në Shqipëri, Sekretari amerikan i Shtetit në Tiranë nga ora 11 deri rreth orës 7-8 të darkës

Sekretari amerikan i Shtetit, Antony Blinken vjen sot në Shqipëri në një vizitë për të cilën Tirana i ka bërë të gjitha përgatitjet. Udhëtimi i kryediplomatit amerikan në Europë nis nga Shqipëria, për të vazhduar më pas në Gjermani.

Ndihmës Sekretari i Shtetit për Çështjet Europiane dhe Euroaziatike, James O’Brien dhe Zëvendës Ndihmës Sekretarka kryesore e Shtetit për Çështjet Europiane dhe Euroaziatike, Yuri Kim mbajtën një konferencë për media, ku dhanë detaje për vizitën e Blinken. Ata do ta shoqërojnë Sekretarin amerikan të Shtetit në këtë udhëtim, raporton Gazeta Express.

Kim tregoi se ndalesa e parë e Blinken do të jetë në Shqipëri dhe se ai në Tiranë do të qëndrojë nga ora 11:00 deri rreth orës 7:00 ose 8:00 në darkë.

“Ndalesa e parë do të jetë në thelb një ndalesë ditore në Shqipëri që do të zgjasë nga ora 11:00 deri rreth orës 7:00 ose 8:00 të mbrëmjes. Dhe kjo është me të vërtetë një ndalesë që do të fokusohet tek e ardhmja, e ardhmja e Shqipërisë, e ardhmja e Ballkanit Perëndimor, ku mund të kujtoni se Ndihmës Sekretari Jim O’Brien kohët e fundit ishte atje për të folur për Bosnjë e Hercegovinën, por në çdo rast, të ardhmen e Ballkanit Perëndimor dhe të ardhmen e Europës”, tha Kim.

Ka disa ngjarje, paralajmëroi ish-ambasadorja amerikane në Tiranë. “Është një orar mjaft i ngjeshur. Pra, ai do të shkojë dhe do të takohet me presidentin Begaj dhe pastaj do të ketë një takim me kryeministrin. Kjo nuk është domosdoshmërisht në rend kronologjik, meqë ra fjala. Por ai do të ketë një takim dypalësh me kryeministrin, në fund të të cilit do të ketë një paraqitje të përbashkët për shtyp”.

“Ai do të ketë një takim të bukur me të rinj, ndoshta rreth 100 e më shumë njerëz, dhe kjo vlen për disa arsye. E para është se janë rreth 100 njerëz që kanë kaluar nëpër programet tona të ndryshme të shkëmbimit, si Fulbright ose IVLP dhe programe të tjera. Dhe vendi për atë ngjarje do të jetë piramida”, tha Kim.

O’Brien, ndërkaq, tha se “Sekretari do ta kalojë të premten dhe të shtunën në Konferencën e Sigurisë në Mynih”.

“Është një vend që mbledh së bashku liderë nga e gjithë masa e tokës europiane dhe euroaziatike, por edhe nga e gjithë bota, kështu që është një vend i përshtatshëm për të adresuar një sërë çështjesh”.

“Delegacioni amerikan udhëhiqet nga zëvendëspresidentja Harris”, tregoi diplomati amerikan.

Sekretari amerikan i Shtetit, Antony Blinken vjen sot në Shqipëri në një vizitë për të cilën Tirana i ka bërë të gjitha përgatitjet. Udhëtimi i kryediplomatit amerikan në Europë nis nga Shqipëria, për të vazhduar më pas në Gjermani.

Ndihmës Sekretari i Shtetit për Çështjet Europiane dhe Euroaziatike, James O’Brien dhe Zëvendës Ndihmës Sekretarka kryesore e Shtetit për Çështjet Europiane dhe Euroaziatike, Yuri Kim mbajtën një konferencë për media, ku dhanë detaje për vizitën e Blinken. Ata do ta shoqërojnë Sekretarin amerikan të Shtetit në këtë udhëtim, raporton Gazeta Express.

Kim tregoi se ndalesa e parë e Blinken do të jetë në Shqipëri dhe se ai në Tiranë do të qëndrojë nga ora 11:00 deri rreth orës 7:00 ose 8:00 në darkë.

“Ndalesa e parë do të jetë në thelb një ndalesë ditore në Shqipëri që do të zgjasë nga ora 11:00 deri rreth orës 7:00 ose 8:00 të mbrëmjes. Dhe kjo është me të vërtetë një ndalesë që do të fokusohet tek e ardhmja, e ardhmja e Shqipërisë, e ardhmja e Ballkanit Perëndimor, ku mund të kujtoni se Ndihmës Sekretari Jim O’Brien kohët e fundit ishte atje për të folur për Bosnjë e Hercegovinën, por në çdo rast, të ardhmen e Ballkanit Perëndimor dhe të ardhmen e Europës”, tha Kim.

Ka disa ngjarje, paralajmëroi ish-ambasadorja amerikane në Tiranë. “Është një orar mjaft i ngjeshur. Pra, ai do të shkojë dhe do të takohet me presidentin Begaj dhe pastaj do të ketë një takim me kryeministrin. Kjo nuk është domosdoshmërisht në rend kronologjik, meqë ra fjala. Por ai do të ketë një takim dypalësh me kryeministrin, në fund të të cilit do të ketë një paraqitje të përbashkët për shtyp”.

“Ai do të ketë një takim të bukur me të rinj, ndoshta rreth 100 e më shumë njerëz, dhe kjo vlen për disa arsye. E para është se janë rreth 100 njerëz që kanë kaluar nëpër programet tona të ndryshme të shkëmbimit, si Fulbright ose IVLP dhe programe të tjera. Dhe vendi për atë ngjarje do të jetë piramida”, tha Kim.

O’Brien, ndërkaq, tha se “Sekretari do ta kalojë të premten dhe të shtunën në Konferencën e Sigurisë në Mynih”.

“Është një vend që mbledh së bashku liderë nga e gjithë masa e tokës europiane dhe euroaziatike, por edhe nga e gjithë bota, kështu që është një vend i përshtatshëm për të adresuar një sërë çështjesh”.

“Delegacioni amerikan udhëhiqet nga zëvendëspresidentja Harris”, tregoi diplomati amerikan.