Gjykata e shpall të pafajshëm logopedin Iljasa Fazliu, vendimi cilësohet goditje për të drejtat e fëmijëve

Gjykata Themelore e Gjilanit ka liruar nga akuza logopedin Iljasa Fazliu, i cili akuzohej për trajtim të pandërgjegjshëm mjekësor.

Vendimi nga kjo gjykatë është marrë më 30 tetor të këtij viti.

Zëdhënësi i kësaj gjykate, Sabit Shkodra në një përgjigje për Telegrafin ka bërë të ditur se gjyqtari ka ardhur në përfundim se i akuzuari nuk e ka kryer veprën penale për të cilën akuzohej.

“Në lidhje me pyetjet e juaja për rastin në fjalë ju njoftojë se gjyqtari Behar Ymeri nga Departamenti i Përgjithshëm – Divizioni Penal, ka nxjerrë Aktgjykim lirues me datë 30.10.2024, ndaj të akuzuarit Iljasa Fazliu, i cili ka qenë i akuzuar për veprën penale trajtim i pandërgjegjshëm mjekësor.

Pas shtjellimit të gjitha provave, dëgjimit të dëshmitarëve dhe ekspertizës së Institutit Psikiatrisë Forenzike të Kosovës (IPFK), gjyqtari ka ardhur në përfundim se i akuzuari nuk e ka kryer veprën penale trajtim i pandërgjegjshëm mjekësor”, ka thënë Shkodra.

Ndaj këtij vendimi ka reaguar edhe Asociacioni Nacional i Autizmit në Kosovë. Ky Asociacion e ka quajtur këtë vendim të gjykatës si goditje e rëndë për sigurinë e fëmijëve, besimin e prindërve dhe respektimin e standardeve etike nga profesionistët që punojnë me persona me nevoja të veçanta në Kosovë.

“Vendimi për shpalljen e pafajësisë së këtij logopedi është mbështetur në raportin e Institutit të Psikiatrisë Forenzike të Kosovës, i cili konstatoi se gjuha e përdorur nga Iljasa Fazliu nuk kishte ndikuar negativisht në gjendjen shëndetësore të vajzës. Ky vlerësim është bërë pa u takuar asnjëherë komisioni me fëmijën dhe pa kryer ndonjë ekzaminim të drejtpërdrejtë. Për më tepër, gjuha e përdorur në këtë vendim është tejet stigmatizuese ndaj personave me autizëm”, thuhet në reagim.

Historiku i akuzave ndaj Iljasa Fazliut

Iljasa Fazliu ishte arrestuar më 27 nëntor 2022 nga Policia e Kosovës pas shpërndarjes në media të një audioje ku logopedi dëgjohet duke e fyer dhe ofenduar pacienten 3-vjeçare.

Më 29.11.2022, Drejtoria e SHSKUK-së kishte konfirmuar se Fazliu ishte ulur nga pozita e ushtruesit të detyrës së shefit të Shërbimit të Logopedisë në Klinikën e Otorinolaringologjisë (ORL).

Mirëpo në në janar të vitit 2023, i njëjti ishte rikthyer në punë vetëm si logoped në Klinikën e ORL-së, por jo u.d. shef i shërbimit.

Pas këtij vendimi për rikthim të tij në punë ishin zhvilluar disa aksione para repartit të Logopedisë, ku kërkohej shkarkimi i Iljasa Fazliut.

Në incizimin e publikuar në media, Fazliu dëgjohej duke e urdhëruar pacienten që të ndaloj së qari disa herë me radhë.

“Plaq atje…Ik atje budallicë, ta q*ft bota nanen…ik aty… jepja bre topin q*ja nanen qaty… nalu ta q*ft dreqi nanen…çka po don çka, çka?… na e lodhe b**hen”, janë fjalët e logopedit drejtuar 3 vjeçares.

Gjykata Themelore e Gjilanit ka liruar nga akuza logopedin Iljasa Fazliu, i cili akuzohej për trajtim të pandërgjegjshëm mjekësor.

Vendimi nga kjo gjykatë është marrë më 30 tetor të këtij viti.

Zëdhënësi i kësaj gjykate, Sabit Shkodra në një përgjigje për Telegrafin ka bërë të ditur se gjyqtari ka ardhur në përfundim se i akuzuari nuk e ka kryer veprën penale për të cilën akuzohej.

“Në lidhje me pyetjet e juaja për rastin në fjalë ju njoftojë se gjyqtari Behar Ymeri nga Departamenti i Përgjithshëm – Divizioni Penal, ka nxjerrë Aktgjykim lirues me datë 30.10.2024, ndaj të akuzuarit Iljasa Fazliu, i cili ka qenë i akuzuar për veprën penale trajtim i pandërgjegjshëm mjekësor.

Pas shtjellimit të gjitha provave, dëgjimit të dëshmitarëve dhe ekspertizës së Institutit Psikiatrisë Forenzike të Kosovës (IPFK), gjyqtari ka ardhur në përfundim se i akuzuari nuk e ka kryer veprën penale trajtim i pandërgjegjshëm mjekësor”, ka thënë Shkodra.

Ndaj këtij vendimi ka reaguar edhe Asociacioni Nacional i Autizmit në Kosovë. Ky Asociacion e ka quajtur këtë vendim të gjykatës si goditje e rëndë për sigurinë e fëmijëve, besimin e prindërve dhe respektimin e standardeve etike nga profesionistët që punojnë me persona me nevoja të veçanta në Kosovë.

“Vendimi për shpalljen e pafajësisë së këtij logopedi është mbështetur në raportin e Institutit të Psikiatrisë Forenzike të Kosovës, i cili konstatoi se gjuha e përdorur nga Iljasa Fazliu nuk kishte ndikuar negativisht në gjendjen shëndetësore të vajzës. Ky vlerësim është bërë pa u takuar asnjëherë komisioni me fëmijën dhe pa kryer ndonjë ekzaminim të drejtpërdrejtë. Për më tepër, gjuha e përdorur në këtë vendim është tejet stigmatizuese ndaj personave me autizëm”, thuhet në reagim.

Historiku i akuzave ndaj Iljasa Fazliut

Iljasa Fazliu ishte arrestuar më 27 nëntor 2022 nga Policia e Kosovës pas shpërndarjes në media të një audioje ku logopedi dëgjohet duke e fyer dhe ofenduar pacienten 3-vjeçare.

Më 29.11.2022, Drejtoria e SHSKUK-së kishte konfirmuar se Fazliu ishte ulur nga pozita e ushtruesit të detyrës së shefit të Shërbimit të Logopedisë në Klinikën e Otorinolaringologjisë (ORL).

Mirëpo në në janar të vitit 2023, i njëjti ishte rikthyer në punë vetëm si logoped në Klinikën e ORL-së, por jo u.d. shef i shërbimit.

Pas këtij vendimi për rikthim të tij në punë ishin zhvilluar disa aksione para repartit të Logopedisë, ku kërkohej shkarkimi i Iljasa Fazliut.

Në incizimin e publikuar në media, Fazliu dëgjohej duke e urdhëruar pacienten që të ndaloj së qari disa herë me radhë.

“Plaq atje…Ik atje budallicë, ta q*ft bota nanen…ik aty… jepja bre topin q*ja nanen qaty… nalu ta q*ft dreqi nanen…çka po don çka, çka?… na e lodhe b**hen”, janë fjalët e logopedit drejtuar 3 vjeçares.