Detaje dhe pamje – krejt çfarë dimë deri tani rreth përplasjes së aeroplanit me pasagjerë me një helikopter ushtarak në Uashington

Një operacion “shumë kompleks” kërkim-shpëtimi është duke u zhvilluar pasi një avion pasagjerësh u përplas me një helikopter ushtarak në Uashington DC.

Sipas mediave të huaja, përcjell Telegrafi, aeroplani i American Airlines, me 60 pasagjerë dhe katër anëtarë të ekuipazhit, po ulej në “Reagan Washington National Airport” kur u përplas në ajër me fluturaken ushtarake, e cila kishte tre ushtarë në bord.

Të dy më pas u rrëzuan në lumin Potomac dhe 300 reagues po punojnë aktualisht në vendngjarje në kushte “jashtëzakonisht të vështira”, thanë zyrtarët.

Pavarësisht raporteve të mediave lokale që pretendojnë se katër persona janë gjetur të gjallë, shefi i zjarrfikësve të DC John Donnelly tha në një konferencë shtypi: “Ne nuk e dimë nëse ka të mbijetuar, por ne po punojmë për këtë”.

Këto janë gjërat që dimë deri tani:

• Administrata Federale e Aviacionit (FAA) ka konfirmuar se përplasja përfshinte një aeroplan me dy motorë të PSA Airlines Bombardier CRJ701 dhe një helikopter Sikorsky H-60.

• Aeroplani ishte në afrimin e pistës 33 në aeroport rreth orës 21:00 me orën lokale.

• Fluturimi Eagle 5342, i operuar nga PSA, po udhëtonte nga Wichita, Kansas me 60 pasagjerë dhe katër anëtarë të ekuipazhit në bord. American Eagle është një markë rajonale për American Airlines.

Video

• Helikopteri i Ushtrisë Amerikane – një UH-60 Black Hawk me bazë në Fort Belvoir në Virxhinia – ishte në një fluturim stërvitor kur ndodhi përplasja. Në bord ishin tre ushtarë.

• Të paktën 18 trupa janë gjetur pas përplasjes, sipas CBS News. Nuk ka të dhëna zyrtare për numrin e të vdekurve apo të plagosurve. Mediat lokale kanë raportuar se katër persona janë gjetur të gjallë, por shefi i zjarrfikësve të DC John Donnelly i tha shtypit se është e paqartë nëse ka të mbijetuar.

• Aeroplani Bombardier i cili u rrëzua në ajër u nda në dy pjesë dhe është në rreth 7 metra ujë në lumin Potomac, thanë burimet për stacionin lokal NBC News në Uashington DC. Helikopteri është me kokë poshtë në ujë.

• Një alarm u dha në orën 20:48 me orën lokale, duke shkaktuar një reagim të madh rajonal. Njësitë e para mbërritën në vendngjarje brenda pak minutash dhe gjetën një aeroplan në ujë.

• Një operacion i madh kërkimi dhe shpëtimi është duke u zhvilluar, duke përfshirë 300 reagues – duke përfshirë zhytës në ujë – dhe varka dhe helikopterë të shumtë. Ekipet e shpëtimit po punojnë në “kushte jashtëzakonisht të vështira”, tha Donnelly.

• Presidenti i SHBA-së tha se po monitoron situatën pasi u informua për atë që ai e përshkroi si një “aksident të tmerrshëm”.

Ai gjithashtu vlerësoi ekuipazhet e emergjencës dhe iu referua viktimave, duke shtuar: “Zoti i bekoftë shpirtrat e tyre”. /Telegrafi/

Një operacion “shumë kompleks” kërkim-shpëtimi është duke u zhvilluar pasi një avion pasagjerësh u përplas me një helikopter ushtarak në Uashington DC.

Sipas mediave të huaja, përcjell Telegrafi, aeroplani i American Airlines, me 60 pasagjerë dhe katër anëtarë të ekuipazhit, po ulej në “Reagan Washington National Airport” kur u përplas në ajër me fluturaken ushtarake, e cila kishte tre ushtarë në bord.

Të dy më pas u rrëzuan në lumin Potomac dhe 300 reagues po punojnë aktualisht në vendngjarje në kushte “jashtëzakonisht të vështira”, thanë zyrtarët.

Pavarësisht raporteve të mediave lokale që pretendojnë se katër persona janë gjetur të gjallë, shefi i zjarrfikësve të DC John Donnelly tha në një konferencë shtypi: “Ne nuk e dimë nëse ka të mbijetuar, por ne po punojmë për këtë”.

Këto janë gjërat që dimë deri tani:

• Administrata Federale e Aviacionit (FAA) ka konfirmuar se përplasja përfshinte një aeroplan me dy motorë të PSA Airlines Bombardier CRJ701 dhe një helikopter Sikorsky H-60.

• Aeroplani ishte në afrimin e pistës 33 në aeroport rreth orës 21:00 me orën lokale.

• Fluturimi Eagle 5342, i operuar nga PSA, po udhëtonte nga Wichita, Kansas me 60 pasagjerë dhe katër anëtarë të ekuipazhit në bord. American Eagle është një markë rajonale për American Airlines.

Video

• Helikopteri i Ushtrisë Amerikane – një UH-60 Black Hawk me bazë në Fort Belvoir në Virxhinia – ishte në një fluturim stërvitor kur ndodhi përplasja. Në bord ishin tre ushtarë.

• Të paktën 18 trupa janë gjetur pas përplasjes, sipas CBS News. Nuk ka të dhëna zyrtare për numrin e të vdekurve apo të plagosurve. Mediat lokale kanë raportuar se katër persona janë gjetur të gjallë, por shefi i zjarrfikësve të DC John Donnelly i tha shtypit se është e paqartë nëse ka të mbijetuar.

• Aeroplani Bombardier i cili u rrëzua në ajër u nda në dy pjesë dhe është në rreth 7 metra ujë në lumin Potomac, thanë burimet për stacionin lokal NBC News në Uashington DC. Helikopteri është me kokë poshtë në ujë.

• Një alarm u dha në orën 20:48 me orën lokale, duke shkaktuar një reagim të madh rajonal. Njësitë e para mbërritën në vendngjarje brenda pak minutash dhe gjetën një aeroplan në ujë.

• Një operacion i madh kërkimi dhe shpëtimi është duke u zhvilluar, duke përfshirë 300 reagues – duke përfshirë zhytës në ujë – dhe varka dhe helikopterë të shumtë. Ekipet e shpëtimit po punojnë në “kushte jashtëzakonisht të vështira”, tha Donnelly.

• Presidenti i SHBA-së tha se po monitoron situatën pasi u informua për atë që ai e përshkroi si një “aksident të tmerrshëm”.

Ai gjithashtu vlerësoi ekuipazhet e emergjencës dhe iu referua viktimave, duke shtuar: “Zoti i bekoftë shpirtrat e tyre”. /Telegrafi/