Drita tregon kur dalin biletat në shitje

Skuadra e Dritës ka njoftuar se të martën (nesër) do të dalin në shitje biletat për ndeshjen e kthimit kundër Royal Antwerp.

Drita dhe Antwerpi do të përballen të enjten me fillim nga ora 20:00 në stadiumin “Fadil Vokrri” në Prishtinë, në kuadër të rrethit të dytë kualifikues në Ligën e Konferencës, shkruan Demokracia.com.

Çmimi më i lirë i biletës është 2 euro në pjesën veriore të stadiumit, ndërsa më e shtrenjta 20 euro në zonën VIP.

Më posht e gjeni njoftimin zyrtar të Dritës:

NJOFTIM

Klubi jonë FC DRITA ju njofton se biletat për ndeshjen e kthimit, FC DRITA – Royal Antwerp FC do të dalin në shitje nga dita e marte në formë fizike në dy pika të shitjes:

• Para teatrit të qytetit
• Te stadioni i qytetit(te sheshi)

Shitja fillon prej orës 12:00 deri në ora 20:00.

Gjithashtu ditën e ndeshjes biletat do të dalin në shitje afër stadiumit “FADIL VOKRRI” në dy pika të shitjes.

Tribina në Jug është e mbyllur, ndërsa çmimet për biletat në dispozicion janë:

• Veri 2 euro
• Lindje 3 euro
• Perëndim 7 euro
• VIP 20 euro

Te gjitha biletat do te jene me barkod identifikues.

FC DRITA⬜🟦