Ja pse nuk po liberalizohen vizat për kosovarët

Shkalla e korrupsionit të nivelit të lartë mban peng liberalizimin e vizave, tregon një dokument zyrtar. Luftimi i kësaj dukurie është identifikuar nga vetë Qeveria e Avdullah Hotit si kusht i fundit, pas plotësimit të të cilit do të mund të merrej vendimi nga Bashkimi Evropian për t’ua hequr izolimin kosovarëve.

E dhëna ndodhet në Planin e Punës së Qeverisë referuar vitit 2020, i cili është miratuar të hënën, një kopje të të cilit e ka siguruar KOHA.

Në pikën “A4.5” të këtij dokumenti është listuar si prioritet “adresimi i obligimeve në procesin e liberalizimit të vizave dhe përmbushja e obligimeve të dala nga procesi i MSA-së”. Aty është theksuar se do të bëhet monitorimi i zbatimit të rekomandimit të mbetur për liberalizimin e vizave, i cili kërkon “luftimin e krimit të organizuar dhe korrupsionit të nivelit të lartë”.

Mes aktivitetesh për ta përmbushur këtë detyrë është përshkruar hartimi i raporteve mbi zbatimin e rekomandimit për përcjelljen e rasteve të korrupsionit të nivelit të lartë dhe krimit të organizuar. E rezultatin e punës Qeveria synon ta dëshmojë me dy tregues: numrin e rasteve të reja të shënjestruara, si dhe me numrin e rasteve të mbyllura me aktgjykime të formës së prerë.

KOHA pati raportuar edhe një javë më parë se, për Qeverinë e re, kushtet për liberalizimin e vizave nuk janë përmbushur. Kjo theksohej në Programin qeverisës.

Në pikën 7.2 të këtij dokumenti, mes të tjerash, thuhej se, në veçanti, do të punohet për “rritjen e efektivitetit të gjyqësorit, si parakusht themelor për integrimin evropian dhe veçanërisht për liberalizimin e vizave, duke rritur kapacitetet e gjyqësorit për trajtimin e lëndëve dhe duke respektuar pavarësinë e tij”.

Shkalla e korrupsionit të nivelit të lartë mban peng liberalizimin e vizave, tregon një dokument zyrtar. Luftimi i kësaj dukurie është identifikuar nga vetë Qeveria e Avdullah Hotit si kusht i fundit, pas plotësimit të të cilit do të mund të merrej vendimi nga Bashkimi Evropian për t’ua hequr izolimin kosovarëve.

E dhëna ndodhet në Planin e Punës së Qeverisë referuar vitit 2020, i cili është miratuar të hënën, një kopje të të cilit e ka siguruar KOHA.

Në pikën “A4.5” të këtij dokumenti është listuar si prioritet “adresimi i obligimeve në procesin e liberalizimit të vizave dhe përmbushja e obligimeve të dala nga procesi i MSA-së”. Aty është theksuar se do të bëhet monitorimi i zbatimit të rekomandimit të mbetur për liberalizimin e vizave, i cili kërkon “luftimin e krimit të organizuar dhe korrupsionit të nivelit të lartë”.

Mes aktivitetesh për ta përmbushur këtë detyrë është përshkruar hartimi i raporteve mbi zbatimin e rekomandimit për përcjelljen e rasteve të korrupsionit të nivelit të lartë dhe krimit të organizuar. E rezultatin e punës Qeveria synon ta dëshmojë me dy tregues: numrin e rasteve të reja të shënjestruara, si dhe me numrin e rasteve të mbyllura me aktgjykime të formës së prerë.

KOHA pati raportuar edhe një javë më parë se, për Qeverinë e re, kushtet për liberalizimin e vizave nuk janë përmbushur. Kjo theksohej në Programin qeverisës.

Në pikën 7.2 të këtij dokumenti, mes të tjerash, thuhej se, në veçanti, do të punohet për “rritjen e efektivitetit të gjyqësorit, si parakusht themelor për integrimin evropian dhe veçanërisht për liberalizimin e vizave, duke rritur kapacitetet e gjyqësorit për trajtimin e lëndëve dhe duke respektuar pavarësinë e tij”.