Presidenti Joe Biden, duke folur me kombin nga Zyra Ovale të mërkurën në mbrëmje, e përcaktoi vendimin e tij për t’u larguar nga gara presidenciale 2024 si një çështje për të shpëtuar demokracinë dhe për t’i kaluar “pishtarin një brezi të ri”.
Në një fjalim që shënoi fillimin e kapitullit mbyllës të presidencës së tij dhe gjysmë shekulli në shërbimin publik, Biden pranoi se bashkimi i partisë kërkonte sakrifikimin e ambicies personale për atë që ai e sheh si një të mirë më të madhe.
“Unë e nderoj këtë zyrë. Por unë e dua vendin tim më shumë”, ka thënë presidenti amerikan, shkruajnë mediat e huaja, përcjell Telegrafi.
![](https://albaniannews.net/wp-content/uploads/2024/05/holiday-300x250-1.png")
“Ka qenë nderi i jetës sime të shërbej si presidenti juaj. Por në mbrojtje të demokracisë, e cila është në rrezik – dhe është më e rëndësishme se çdo titull. Marr forcë dhe gjej gëzim duke punuar për popullin amerikan”, tha ai.
Ndërsa Biden nuk e përmendi Donald Trumpin me emër, ai u përpoq të vinte një kontrast të qartë me ish-presidentin, ambicia e të cilit e bëri atë të pretendonte fitoren në një zgjedhje që nuk i fitoi katër vjet më parë.
“Gjëja më e mirë e Amerikës është se këtu mbretërit dhe diktatorët nuk sundojnë”, tha Biden. “Populli e bën këtë. Historia është në duart tuaja, ideja e Amerikës është në duart tuaja”, ka thënë ndër tjerash ai.
Ai gjithashtu foli për zëvendës-presidenten e tij, e cila tani po zë vendin e tij në garë.
Harris, tha Biden, është “me përvojë. Ajo është e fortë. Ajo është e aftë. Ajo ka qenë një partnere e jashtëzakonshme për mua dhe një udhëheqëse për vendin tonë”.
![](https://albaniannews.net/wp-content/uploads/2024/05/Walone.jpg")
“Tani zgjedhja varet nga ju, populli amerikan”, shtoi ai.
