Këngëtarja Dafina Zeqiri ka shpërndarë një fotografi të hartës së Kosovës, duke iu bashkuar kështu fushatës ndaj Apple për vendosjen e Kosovës në hartat e tyre, shkruan Gazeta Express
Dafina ka publikuar në Instagram një fotografi, përmes së cilës ka kërkuar nga Apple ta vendos Kosovën në hartë.
![](https://albaniannews.net/wp-content/uploads/2024/02/350.jpg")
“Apple ne po presim…Ky është turp, posaçërisht i ardhur nga një kompani amerikane (Shtetet e Bashkuara zyrtarisht njohën Republikën e Kosovës si shtet më 17 shkurt 2008!) Është viti 2020, pse nuk jemi ne në hartë tashmë?”, ka shkruar Dafina.
![](https://albaniannews.net/wp-content/uploads/2024/04/300x250.jpg")
E kjo duket se nuk iu ka pëlqyer aspak serbëve.
Të shumta kanë qenë komentet e serbëve në postimin e Dafinës, raporton Express.
“Kosova është Serbi”, ka shkruar një prej komentuesve.
Por, nuk ka munguar as përgjigja nga ana e Dafinës.
“Është herët për këtë m*t, kthehuni në gjumë dhe ëndërroni”, ia ka kthyer këngëtarja kosovare.
Edhe të tjerë serbë kanë komentuar në postimin e Dafinës, por ajo nuk ka ngurruar t’u përgjigjet shumicës prej tyre, se Kosova është shtet i pavarur dhe nuk është pjesë e Serbisë.
Ndërkohë, pas komenteve të shumta që ka marrë nga serbët, Dafina ka postuar edhe një video ku i ka ironizuar ata.
“Serbia duke thënë “Kosova është Serbi, kosovarët duke e ditur që nuk është”, ka shkruar Dafina në videon ku dëgjohet duke qeshur me të madhe.
