KQZ nuk certifikon Listën Serbe për zgjedhjet e 9 shkurtit

Dy anëtarë të Lëvizjes Vetëvendosje në KQZ, Sami Kurteshi dhe Alban Krasniqi, kanë kundërshtuar certifikimin e Listës Serbe për zgjedhjet e ardhshme.

Kurteshi ka shprehur rezerva serioze ndaj prezantimit dhe qëndrimeve të kandidatëve të Listës Serbe.

Ai theksoi se kjo listë nuk i referohet Republikës së Kosovës, por përdor termin “Kosovo i Metohija”, dhe se përfaqësuesit e saj vazhdojnë të mbajnë lidhje të ngushta me pushtetin e presidentit serb, Aleksandar Vuçiq.

Kurteshi solli në vëmendje përfshirjen e kësaj liste në aktivitete të dyshimta, duke përmendur edhe lidhjet me sulmin terrorist në Banjskë dhe së fundmi në Ibër Lepenc. Ai gjithashtu prezantoi një audio-incizim ku dëgjoheshin thirrje kundër Republikës së Kosovës nga një prej përfaqësuesve të Listës Serbe.

Alban Krasniqi, një tjetër anëtar i VV-së në KQZ, po ashtu doli kundër certifikimit të Listës Serbe dhe kërkoi veprim konkret nga Prokuroria e Shtetit për të adresuar shqetësimet që lidhen me këtë subjekt politik.

Shqetësime mbi certifikimin e Listës Serbe u shprehën edhe nga disa përfaqësues të opozitës. Arianit Elshani nga Partia Demokratike e Kosovës. Ai ka kujtuar se verifikimi i listave të kandidatëve ka kaluar nëpër disa institucione dhe asnjë prej tyre nuk ka dhënë ndonjë vërejtje.

Dy anëtarë të Lëvizjes Vetëvendosje në KQZ, Sami Kurteshi dhe Alban Krasniqi, kanë kundërshtuar certifikimin e Listës Serbe për zgjedhjet e ardhshme.

Kurteshi ka shprehur rezerva serioze ndaj prezantimit dhe qëndrimeve të kandidatëve të Listës Serbe.

Ai theksoi se kjo listë nuk i referohet Republikës së Kosovës, por përdor termin “Kosovo i Metohija”, dhe se përfaqësuesit e saj vazhdojnë të mbajnë lidhje të ngushta me pushtetin e presidentit serb, Aleksandar Vuçiq.

Kurteshi solli në vëmendje përfshirjen e kësaj liste në aktivitete të dyshimta, duke përmendur edhe lidhjet me sulmin terrorist në Banjskë dhe së fundmi në Ibër Lepenc. Ai gjithashtu prezantoi një audio-incizim ku dëgjoheshin thirrje kundër Republikës së Kosovës nga një prej përfaqësuesve të Listës Serbe.

Alban Krasniqi, një tjetër anëtar i VV-së në KQZ, po ashtu doli kundër certifikimit të Listës Serbe dhe kërkoi veprim konkret nga Prokuroria e Shtetit për të adresuar shqetësimet që lidhen me këtë subjekt politik.

Shqetësime mbi certifikimin e Listës Serbe u shprehën edhe nga disa përfaqësues të opozitës. Arianit Elshani nga Partia Demokratike e Kosovës. Ai ka kujtuar se verifikimi i listave të kandidatëve ka kaluar nëpër disa institucione dhe asnjë prej tyre nuk ka dhënë ndonjë vërejtje.