LDK-ja dorëzon kallëzim penal ndaj ambasadorit Berishaj

Ishte deputeti i LDK-së, Driton Selmanaj, ai i cili gjatë seancës plenare të Kuvendit, kishte paralajmëruar dorëzimin e një kallëzimi penal ndaj ambasadorit Berishaj. Këtë të fundit e realizoi të premten përkrah deputetit Besian Mustafa
Nga
Dea Dedinca
, Anduena Bajqinofci
24 February, 2023, 14:10

Deputetët e Lidhjes Demokratike të Kosovës (LDK), Driton Selmanaj dhe Besian Mustafa, kanë dorëzuar në Zyrat e Prokurorisë Speciale, kallëzimin penal ndaj ambasadorit të Republikës së Kosovës në Kroaci, Martin Berishaj.

Në seancën e Kuvendit të Kosovës, të enjten, Selmanaj ka thënë se kallëzimin ndaj tij do ta bëjë në cilësinë e kryetarit të Komisionit Hetimor Parlamentar për menaxhimin e krizës energjetike, pasi siç është shprehur ai, Berishaj ka gënjyer gjatë raportimit në komision.

“Çka është ky zell për ta mbrojtur Martin Berishajn, kur ai ka gënjyer në komision. Ai na ka gënjyer në sy. Prandaj, unë në cilësinë e kryetarit të këtij komisioni kam detyrim, edhe si parti politike kemi diskutuar, ta procedoj kallëzimin penal nesër për këtë person, në cilësinë e kryesuesit të komisionit parlamentar, sepse gënjeshtra nuk mund të kalojë”, ka thënë Selmanaj.

Ndonëse shkarkimi i tij u kërkua, ministrja e Punëve të Jashtme dhe Diasporës, Donika Gërvalla, kishte deklaruar se shkarkimi i Berishajt nuk mund të bëhet pa ndonjë arsye faktike.

“Ambasadori nuk shkarkohet për shkak të spekulimeve mediale – ai shkarkohet kur ka arsye faktike. Deri në këtë moment unë nuk kam asnjë informacion të vetëm zyrtar që shkelje të tilla kanë ndodhur”, kishte deklaruar Gërvalla.

Ndryshe, më 22 prill, Presidenca e Kosovës kishte kërkuar raport me shkrim nga ambasadori Berishaj, për pretendimet mediale të përfshirjes së tij në një skandal të madh financiar si sekser për Robert Golob, politikanin slloven.

Ky skandal ishte raportuar nga “Planet TV” të Sllovenisë, ku sipas këtij mediumi, kompania private konsulente në Mal të Zi, “MB Consulting”, e Berishajt, po hetohej ndërkombëtarisht për shkak të transferimeve të parave nga dega serbe e furnizuesit energjetik slloven (GEN-I).

“MB Consulting” kishte tërhequr para të gatshme rreth 600 mijë euro, të cilat, më pas i kishte bartur te politikani slloven.

Ndërkohë, Berishaj i kishte mohuar këto raportime, njëkohësisht kishte paralajmëruar padi për mediumin në fjalë.

Ndërsa, në konferencën për media, presidentja e Kosovës, Vjosa Osmani, i kishte dalë në mbrojtje Berishajt, duke thënë “ne i besojmë fjalëve të tij deri sa të ketë diçka konkrete nga institucionet e drejtësisë” mirëpo, Zyra e Presidencës kishte konfirmuar se ka ftuar ambasadorin Berishaj në Kosovë për ta sqaruar situatën.

Ishte deputeti i LDK-së, Driton Selmanaj, ai i cili gjatë seancës plenare të Kuvendit, kishte paralajmëruar dorëzimin e një kallëzimi penal ndaj ambasadorit Berishaj. Këtë të fundit e realizoi të premten përkrah deputetit Besian Mustafa
Nga
Dea Dedinca
, Anduena Bajqinofci
24 February, 2023, 14:10

Deputetët e Lidhjes Demokratike të Kosovës (LDK), Driton Selmanaj dhe Besian Mustafa, kanë dorëzuar në Zyrat e Prokurorisë Speciale, kallëzimin penal ndaj ambasadorit të Republikës së Kosovës në Kroaci, Martin Berishaj.

Në seancën e Kuvendit të Kosovës, të enjten, Selmanaj ka thënë se kallëzimin ndaj tij do ta bëjë në cilësinë e kryetarit të Komisionit Hetimor Parlamentar për menaxhimin e krizës energjetike, pasi siç është shprehur ai, Berishaj ka gënjyer gjatë raportimit në komision.

“Çka është ky zell për ta mbrojtur Martin Berishajn, kur ai ka gënjyer në komision. Ai na ka gënjyer në sy. Prandaj, unë në cilësinë e kryetarit të këtij komisioni kam detyrim, edhe si parti politike kemi diskutuar, ta procedoj kallëzimin penal nesër për këtë person, në cilësinë e kryesuesit të komisionit parlamentar, sepse gënjeshtra nuk mund të kalojë”, ka thënë Selmanaj.

Ndonëse shkarkimi i tij u kërkua, ministrja e Punëve të Jashtme dhe Diasporës, Donika Gërvalla, kishte deklaruar se shkarkimi i Berishajt nuk mund të bëhet pa ndonjë arsye faktike.

“Ambasadori nuk shkarkohet për shkak të spekulimeve mediale – ai shkarkohet kur ka arsye faktike. Deri në këtë moment unë nuk kam asnjë informacion të vetëm zyrtar që shkelje të tilla kanë ndodhur”, kishte deklaruar Gërvalla.

Ndryshe, më 22 prill, Presidenca e Kosovës kishte kërkuar raport me shkrim nga ambasadori Berishaj, për pretendimet mediale të përfshirjes së tij në një skandal të madh financiar si sekser për Robert Golob, politikanin slloven.

Ky skandal ishte raportuar nga “Planet TV” të Sllovenisë, ku sipas këtij mediumi, kompania private konsulente në Mal të Zi, “MB Consulting”, e Berishajt, po hetohej ndërkombëtarisht për shkak të transferimeve të parave nga dega serbe e furnizuesit energjetik slloven (GEN-I).

“MB Consulting” kishte tërhequr para të gatshme rreth 600 mijë euro, të cilat, më pas i kishte bartur te politikani slloven.

Ndërkohë, Berishaj i kishte mohuar këto raportime, njëkohësisht kishte paralajmëruar padi për mediumin në fjalë.

Ndërsa, në konferencën për media, presidentja e Kosovës, Vjosa Osmani, i kishte dalë në mbrojtje Berishajt, duke thënë “ne i besojmë fjalëve të tij deri sa të ketë diçka konkrete nga institucionet e drejtësisë” mirëpo, Zyra e Presidencës kishte konfirmuar se ka ftuar ambasadorin Berishaj në Kosovë për ta sqaruar situatën.