Marrëveshje për shtensionimin e situatës në veri, në Prishtinë s’flet askush

Një takim në Bratisllavë solli pajtim për mënyrën e shtensionimit të situatës në veri të Kosovës. Por për lajmin e shumëpritur, nga dje nuk pati asnjë reagim në Prishtinë.

Zëvendëskryeministri i Kosovës, Besnik Bislimi të hënën zhvilloi një takim të paparalajmëruar me emisarin e Bashkimit Europian, Miroslav Lajçak në Bratisllavë, ka u tha se patën “bisedime intensive”.

Bislimi dhe Lajçak thanë se janë pajtuar për hapat e parë që duhen bërë për shtensionimin e situatës në veri. Por për këtë lajm të shumëpritur, në Kosovë e as nga ndërkombëtarët nuk pati ndonjë reagim.

Deri tani nuk ka pasur ndonjë reagim nga as kryeministri Albin Kurti apo presidentja Vjosa Osmani. Për këtë deri tash nuk kanë thënë asgjë as krerët e partive opozitare, Memli Krasniqi, Lumir Abdixhiku e Ramush Haradinaj, as nga Ambasadorët me ndikim të akredituar në Kosovë.

“Jemi pajtuar për hapat e nevojshëm për të siguruar shtensionim efektiv të situatës dhe të bazuar në ligj dhe për përqendrim në normalizimin dhe zbatimin e sundimit të ligjit”, shkroi Bislimi në Tëitter pas takimit me Lajçakun.

Lajçak tha se me Bislimin zhvilluan “bisedime intensive”, duke konfirmuar dakordimin.

“Kemi biseduar për shtensionimin e situatës në veri të Kosovës, në përputhje me deklaratën e shteteve anëtare të BE-së më 3 qershor, dhe për mënyrën përpara për zbatimin e të gjitha marrëveshjeve të arritura në dialog. Jemi pajtuar për hapat e parë drejt arritjes së këtij qëllimi”, shkroi Lajçak në Tëitter.

Siç mëson Gazeta Express, Lajçak ka përgatitur një plan për zbatimin e tre pikave të propozuara, duke listuar përgjegjësitë e secilës palë si dhe duke sekuencuar veprimet për zbatimin e planit trepikësh, zbatimi i të cilit thuhet se do t’ia hiqte Kosovës masat ndëshkuese.

Bashkimi Europian po zbaton masa ndëshkuese ndaj Kosovës, kryeministri i së cilës konsiderohet përgjegjës për rritjen e tensioneve në veri. Albin Kurti u tha se nuk i ka dëgjuar këshillat e ndërkombëtarëve dhe deri më tani nuk ka pranuar ta zbatojë një plan trepikësh të BE-së, të cilin e mbështet edhe SHBA-ja. Atij i kërkohen zgjedhje të reja në veri duke u tërhequr nga të gjitha veprimet e fundit, që nënkupton tërheqjen e kryetarëve dhe Policisë nga komunat veriore.

Një takim në Bratisllavë solli pajtim për mënyrën e shtensionimit të situatës në veri të Kosovës. Por për lajmin e shumëpritur, nga dje nuk pati asnjë reagim në Prishtinë.

Zëvendëskryeministri i Kosovës, Besnik Bislimi të hënën zhvilloi një takim të paparalajmëruar me emisarin e Bashkimit Europian, Miroslav Lajçak në Bratisllavë, ka u tha se patën “bisedime intensive”.

Bislimi dhe Lajçak thanë se janë pajtuar për hapat e parë që duhen bërë për shtensionimin e situatës në veri. Por për këtë lajm të shumëpritur, në Kosovë e as nga ndërkombëtarët nuk pati ndonjë reagim.

Deri tani nuk ka pasur ndonjë reagim nga as kryeministri Albin Kurti apo presidentja Vjosa Osmani. Për këtë deri tash nuk kanë thënë asgjë as krerët e partive opozitare, Memli Krasniqi, Lumir Abdixhiku e Ramush Haradinaj, as nga Ambasadorët me ndikim të akredituar në Kosovë.

“Jemi pajtuar për hapat e nevojshëm për të siguruar shtensionim efektiv të situatës dhe të bazuar në ligj dhe për përqendrim në normalizimin dhe zbatimin e sundimit të ligjit”, shkroi Bislimi në Tëitter pas takimit me Lajçakun.

Lajçak tha se me Bislimin zhvilluan “bisedime intensive”, duke konfirmuar dakordimin.

“Kemi biseduar për shtensionimin e situatës në veri të Kosovës, në përputhje me deklaratën e shteteve anëtare të BE-së më 3 qershor, dhe për mënyrën përpara për zbatimin e të gjitha marrëveshjeve të arritura në dialog. Jemi pajtuar për hapat e parë drejt arritjes së këtij qëllimi”, shkroi Lajçak në Tëitter.

Siç mëson Gazeta Express, Lajçak ka përgatitur një plan për zbatimin e tre pikave të propozuara, duke listuar përgjegjësitë e secilës palë si dhe duke sekuencuar veprimet për zbatimin e planit trepikësh, zbatimi i të cilit thuhet se do t’ia hiqte Kosovës masat ndëshkuese.

Bashkimi Europian po zbaton masa ndëshkuese ndaj Kosovës, kryeministri i së cilës konsiderohet përgjegjës për rritjen e tensioneve në veri. Albin Kurti u tha se nuk i ka dëgjuar këshillat e ndërkombëtarëve dhe deri më tani nuk ka pranuar ta zbatojë një plan trepikësh të BE-së, të cilin e mbështet edhe SHBA-ja. Atij i kërkohen zgjedhje të reja në veri duke u tërhequr nga të gjitha veprimet e fundit, që nënkupton tërheqjen e kryetarëve dhe Policisë nga komunat veriore.