Befasi e dorës së parë ka ndodh në garat për Kupën e Republikës së Kosovës.
Drita eliminohet nga Kupa e Kosovës, mposhtet para adhuruesve të vet në Gjilan nga Liria, me rezultat 2:1.
Drita aktualisht është lidere e Superligës, me pesë pikë më shumë se përcjellësi, Ballkani që ka tri ndeshje më pak të zhvilluara.
Futbollistët e Dritës edicionin e fundit arritën deri në finale të Kupës por këtë radhë u kujdesën për befasinë e stinorit, duke pësuar nga Liria e lavdishme por që aktualisht është pjesë e kategorisë së dytë të futbollit kosovar.